Art and Culture Department, Mizoram, Government of Mizoram, India

Mizote Kut zinga ropui ber Chapchar Kut 2024 lawmna pui ber chu Vauthla ni 1, 2024 chawhma dar 11:00 hian Sipai Lammual, Aizawl-ah hman a ni dawn a. Chapchar Kut 2024-ah hian Kut Pa atan Pu Lalduhoma, Hon'ble Chief Minister, Mizoram a ni dawn a, Kut Thlengtu chu Pu C. Lalsawivunga, Hon'ble Art & Culture Minister a ni ang a; Chapchar Kut thupui atan 'Zonun Zemawi Tlawmngaihna' tih hman a ni ang.

Chapchar Kut 2024 lawmna pual hian Programme chi hrang hrang buatsaih mek niin buatsaih zel tur a ni a, hetiang hian -

CHAPCHAR KUT FLOWER SHOW 2024 - February 28, 2024c khan Horticulture department leh Art & Culture Department tangkawp buatsaih ni thum chhung awh tur (28th February- 1st March) pangpar pho chhuah leh zawrhna hun, Chapchar Kut Flower Show 2024 chu Horticulture Minister Prof. Lalnilawma’n Aizawl Lungdawh, Khatla-ah a hawng. He Flower Show-ah hian Mizoram Florist Association bakah Zoram Anthurium Grower's Society leh Bonsai Association of Mizoram te telin, Khuallian Horticulture Minister Prof. Lalnilawma, Horticulture Secretary Pi K Lalrinzuali, Horticulture Director Pu C.H Lalmuanpuia leh Art and Culture Director Pi Carol VLMS Dawngkimi ten an tawiawm a ni. Pangpar chi hrang hrang zawrh leh pho chhuahna hun hman a ni a, Stall 63 awmin, Artistic- 21, Mass arrangement- 8, Ikebana-10, Perennial Potted-16, House plant-59, Bougainvillea-27, Potted flower-65, Bonsai- 32, Anthurium varietals-36 pho chhuah a ni a, pangpar thenkhat hi inbiakremnain a lei theih bawk a ni.

ART AND PHOTO EXHIBITION - Ni 28 February, 2024 khan Information and Public Relations Minister Dr. Vanlalthlana chuan Vanapa Hall Lobby-ah March ni 1, 2024 (Zirtawpni) thleng awh tur Chapchar Kut 2024 Art and Photo Exhibition a hawng. Chapchar Kut Art & Photo Exhibition ah hian thlalak 120 phochhuah niin, lemziak 75, woodcarve 1 leh sculpture 1 dahchhuah a ni a. Artist te kutchhuak hi a duh tan lei nghal theih a ni.

Heritage & Culture Tour - Chapchar Kut Organising Committee chuan Mizoram Upa Pawl (MUP) Branch thlanchhuah 5 (panga) te tan nimin February 23, 2024 khan Culture & Heritage Tour 2024 a buatsaih a, Heritage & Culture Tour 2024 atan hian MUP Branch panga (5) heng - ITI Branch MUP, Zemabawk Branch MUP, Tlangnuam Branch MUP, Mission Vengthlang Branch MUP leh Bungkawn Branch MUP te thlan an ni a, MUP Branch pakhat atangin member 25 zel an tel a ni. Aizawl leh a chhehvela heritage & culture hmun pawimawh tak tak heng - Mizoram State Museum, Zokhua - Falkawn, Quarter Guard-Assam Rifles, Zokhawsang-Assam Rifles, Lengpui Airport, Sairang Rail Head, Sairang Railway Tunnel (Leiverh), Zoram Medical College (ZMC) leh Lengte ISPAT te fan pui an ni.

Chapchar Kut Urlawkna Discussion Programme : DDK Aizawl leh Cable TV hrang hranga tih chhuah turin Chapchar Kut Urlawkna Discussion Programme hman a ni a, he hunah hian Pu F. Lalthanmawia, Dy. Director Art & Culture Dept.; Prof. Rualkhuma Colney, Vice President, Mizo Academy of Letter, Dr. Zoramdinthara, Asst. Prof., Dept. of Mizo, MZU ten hun an hmang a ni.

Chapchar Kut Talk Show : Chapchar Kut 2024 pual hian Talk Show buatsaih a ni a, DDK Aizawl leh Cable TV htrang hrangah te mipui tan tih chhuah a ni. He hunah hian Pu Lalchuailova, Dy. Director, Art & Culture Dept.; Rev. Dr. Vanlalchhuanawma, Laipuitlang; Joseph Vanlalhruaia Sailo, Lecturer, Synod Higher Secondary School; Nl. Lalsangpuii, Treasurer, Mizo Academy of Letter; Prof. RL Thanmawia, President, Mizo Academy of Letter; Dr. H. Laldinmawia, Asst, Secy. Mizo Academy ofm Letter ten hun an hmang.

Chapchar Kut Run : Ni 29 February, 2024 zing dar 6:00 A.M.-ah Chapchar Kut pualin a huhova tlan (Chapchar Kut Run) buatsaih a ni dawn a. Aizawl khawpui chhung hmun hnih (Chanmari atanga Lammual & Sikulpuikawn atanga Lammual) atangin Lammual panin tlan tur a ni a, Prof. Malsawmliana, Gen. Secretary, CYMA-in Chanmari atanga tlan tan tur a kaihruai ang a; Prof. Lalnuntluanga, Vice President, CYMA-in Sikulpuikawn atnga tlan tur te a kaihruai ang. Lammual-ah intawk khawmin dar 7:00 A.M.-ah hun tawi hman tur a ni ang a, Pu Lalnghinglova Hmar, Minister of State, Govt. of Mizoram chu Khuallian a ni ang. Pu Gen Khan Do, Joint Director, Art & Culture Dept. chuan inkhawm a kaihruai ang a, Khuallian Pu Lalnghinglova Hmar in thu tawi a sawi ang

Food Stall : Chapchar Kut 2024 lawmna pualin Lammual Main Gate atanga Vanapa Hall inkarah tluanin February 29, 2024 chawhnu dar 2:00 PM atanga Matrch 1, 2024 thleng Food Stall buatsaih a ni ang.

Mizo Infiamna : Kut chhim tute pualin March 1, 2024 hian Vanapa Hall Kawtah Mizo Infiamna chi hrang hrang buatsaih a ni ang.

CHAPCHAR KUT PROGRAMME : Chapchar Kut Progranme hi a hnuaiah hian Download theiin (Image & PDF) dah a ni e.