Chawmnu (Mizo)
Chawm hi ramhuai chi khat, Phung nen pawha inang ve tak an ni a. Luidung leh kawr ruam velah te an cheng deuh ber thin. Hmeichhia deuh vek an nih avangin Chawmnu an ti deuh kher thin. Nu lianpui, hnute fual diai duai, hang mek muk leh sam hram bebu niin an sawi thin. Kawngkawrawi te, piring te, tumbu te hi an chaw ni berin an sawi thin. Mihring tana an hlauhawmna sawi tur a awm lem lo va, an pianhmang tihbaiawm tak erawh a hmu apiangin an hlau vek thung. Hmuichukchuruduninu: Hmuichukchuruduninu hi mi vir tak, ramsa leh mihring pawh thliar lovin a man theih apiang a ei mai thin a ni a. A hmui zum leh sei em em hmang hian Naupang thluak pawh a hipchhuahsak mai thei thin niin an sawi. Mi tam tak tan phei chuan a hmel lan dan mai pawh tihbaiawm tak a tling awm e.
A kimchang zawkin: (Chawm - Dailuah ka chawm nha chawm anga lam tur) Chawm hi ramhuai chikhat Phung nen pawha inang ve tak an nı Ludung leh kawrruam velah te an cheng deuh ber thin. Hmeichhia deuh vek an nih avangin chawmnu an tı deuh kher thin a ni. Nu lianpuı, hnute fual diai duai hang mek muk leh sam hram bebu niin an sawi. Kawngkawrawi te, piringte leh tumbutu hi an chaw rin ber niin an Mizo sawi bawk. Mihringte tana hlauhawm lutuka an chetna chu sawi tur a awm lem lova, an pianhmang hrim hrim hi an tihbaiawm em avang erawh chuan a hmu apiangın an hlau vek thung a ni. Chawm pawh hı hmu an awm nuala sawi a nı. Mahse, chiang taka sawi tur chuan Cherhlun khua Pu Challıanchhunga kha a hmu chiang pawl tak a ni awm,e. Amah hı pa ramvachal leh huaisen a ni. Chumi kum chuan Cherhlun khua chuan Burma ram ep Tiau kam lam lo atan an nei a. Hlo thlawh hun vel hian thlawhlaiah chuan eng emaw hı Vahmim hram ang deuh, chher deuh chhiai hian a hram thin a. Amah an hmu thei mang si lova, an hlau deuh viau hlawm mai a. Ramriak ngam pawh an awm mang hlawm lo va, Pu Challianchhunga erawh chu pasaltha a nih avangin amah chauhvin a riak lui ta a ni Thla mang lai a ni a, zan pawh a thim viau nghe nghe mai a, a khua pawh a har hle mai a. Zanah chuan thawm engemaw tak hriat inbeisei ranın a awm a Mei a tuah eng lep lep a, a ke kawngka lam hawiin, a lu char lamah a hawi a, tukhuma kut suh meuhvin a mu a. Inrin lawk nan tiin Muzuk fei a lu bul lawkah chuan a tung ran mai a Thawm awm leh awm loh ngaichang ran chungin a mu ta a. Nimahsela, thawm chu a rawn awm ta lawk lova Leng hawn ar khuan hun velah chuan thlawhlaia vahmim aw chher anga hram chu a hre ta a, thlam lam chu rawn pan zelin a hre bavk a. A hlau hranpa lem lo va, a tum dan chuan thlama a rawn luh veleha feia lo chhun vak mai chu a tum a. A rawn hnai zel a, thlam luhkaah chuan a rawn chuangkai ta a, thlam pawh chu a che lawih mai a. Mizo Chutih rual rual chuan thlam kawngka chu Chawmnu awm bawr chuan a rawn hnawhkhat ta mum mai a. A hnutebu han em em mai, zufang bel tiat lai mai chu a uai thuah mai a, a hnum tle hlurh mai bawk a. A taksa dang erawh chu a lang thei lem lo va. Chet a han tum pawhin a che thei hauh lo mai a, rılru harhfım kiau chung chuan a en ta reng mai a ni. Kutthlak tuma a han bith ngial pawh chuan a che thei chuang der lo mai a. Rei deuh hnuah chuan a kal kiang ve ta mai a. Thlam leika a pelh veleh chuan a che thei ve lehnghal ta mai a. A hlau chuang lo bawk a, chumi hnu chuan thawm engmah a hre zui ta lo va, tui takin a mu ta a ni. Ani lo pavh hi Chawm hmu sawi tur an awm nual a. Hnahchang khua pa pakhat pawhın chhun pachangah kawrruamah a hmu a, a hlauh a hrilhfak an ti. An pianhmang an sawidan pawh a inang vek a ni.
