October 1, 2025 (Ningani) chawhma dar 11:30-ah khan Khawbel-ah Cultural Meet hman a ni. He Cultural Meet hi Art & Culture Department leh Khawbel Branch YMA ten an buatsaih a ni a,  Pi Zirsangzuali, Dy. Director, Art & Culture Department chu khuallian a ni a. Tv. Philip Laldintluanga, President, Khawbel Branch YMA chuan a kaihruai a, Upa H. Lalruatliana, Adviser Khawbel Branch YMA chuan hunserh a hmang a ni.

Khawbel Branch YMA hian an bul hnai khua-ah te hnam lam entir tur leh hun hmanpui tura sawmna an thawn chhuak a. Heng atangte hian hnam lam an rawn entir thei a ni.

1. Thingsulthliah Cultural Club

2. Chhiahtlang Kawn Veng Br. YMA

3. Hualtu Br. YMA

4. Sialhau Br. YMA

5. Thingsulthliah Lal Hnam M?S

6. Chhingchhip, Mualpui Br. YMA

7. Maite Br. YMA

8. Serchhip MCO Sub. Hqrs, Cultural Troupes

Anni bak ah hian Khawbel Branch YMA ten hnam lam chi hnih an entir a. Khawbel MHIP ten Mizo la deh dan an entir bawk a. October 1 hi khawvel puma Upate Ni a ni a, Khawbel Branch MUP te hian a hrana hmang lovin he Cultural Meet ah hian ahuho hlasak te, Hlado chham te leh Hnahtum te an entir bawk a ni. He Cultural Meet hi khawtlang mipui an hlut hle a, zaithiam tak tak an zai bawk a ni.