Chemtatrawta
Ngam zawng te laka thinrimna leih buakna hian harsatna dang a hnuk chhuak thei a, a kangkai zel phei chuan mi tin chhiatna leh harsatna pawh a thlen thei a ni tih Chemtatrawta thawnthu atang hian kan hmu a. Tui tichip chepa chem a tah laia a vaihlo bawka lo chehsaktu Kaikuang avang khan a hunlaia an duh ngai miah loh, tuikhur tihhnawk satliah pawh ni lo, an tui tlan tihbawlhhlawhna a hring chhuak a ni. A kimchang zawkin: Chemtâtrâwta hian tui ti chip chepah chem a tât râwt râwt a. Chuti lai chuan kaikuang hian a tiltêah a chep ta hlawk mai a. Chemtâtrâwta chuan nâ a ti hle mai a, a thin a ur chuan a kianga Khaum zamna rawpui chu a sat Þ k hmawk mai a. Khaum chu thin a ur ve thung a, a hnuaia Ramar tlâ chu a ngũmah a deng dawp mai a. Ramar chuan na a ti hle mai a, thin a ur chuan, Taivâng bu a thai danh ta chiam a. Taivãng chu a thìn ur a, Sanghal kapah a seh vawt a. Sanghal pawh chu a thin a ur a, Bâk awmna Changêl chu a nghovin a tai thlu ta uan uan a. Bâk chuan awmna tur a neih tak loh avangin awmna zawngin a thlawk a thlawk a, a tawpah Sai hnarah a lut ta a. Sai chuan za a ti a, a phit dut dut a, a thin ur chuan Pitar tê in a chil chhe ta vek mai a. Mizo Pitar tê chu a thin a ur phuba lak ve na tur a hre si lo va, an khaw tuikhur hnarah chuan a e ta ringawt mai a. An khua chu an buai ta mur mur mai a. Pitar nenah chuan, “Enga ti nge Tuikhur hnarah i ek?” an ti a. Pitar te chuan, “Enga ti nge Saiin ka awmna in a chil chhiat ei?” a ti a. Sai henah chuan, “Enga ti nge Saia Pitar tê in i chil chhiat?” an ti a. Sai chuan, “Enga ti nge ka hnarah Bâk a luh ei,” a ti ve thung a. Bâk henah an kal leh a, “Enga ti nge Bâka Sai hnarah i luh?” an ti a. Bâk chuan, “Enga tana Sanghalin ka awmna Changêl a tai thuk ei,” a lo ti ve a. Sanghal hnenah chuan, “Sanghal, enga ti nge Bâk awmna changêl i tai thuk?” tin an han chhuan chhal ve a. Sanghal pawh chuan sawi tur a lo nei ve a, “Enga ti nge Taivângin ka tilah a sei ei,” a ti a. Taivang hnenah chuan, “Enga ti nge Taivâng, Sanghal tilah i lo seh?” anti a. Ani chuan, “Enga tana Ramarin ka bu a thai chhiat ei,” a ti ve thung a. Ramar hnenah chuan, “Enga ti nge Ramar Taivang bui lo thaichhiat ni?” an ti a. Ramar chuan thinrim tak hian, “Enga tana ka ngûmah Khaumin a den ei,” a ti a. Khaurn hnenah chuan, “Enga ti nge Khaum Ramar ngûm kherahi den?” anti a. Khaum chuan, “Enga tana Chemtatrâwtan ka zamna kung a Þ k ei” ati a. Mizo Chemtarâwta hnenah chuan an kal leh a, “Chemtâtrâwt, enga ti nge Khaum zâmna rua i sah chhum?” tiin an zawt a. Chemtâtrâwta chuan, “Enga ti nge Kaikuangin ka tiltêah a cheh hlawk ei,” a ti a. Kaikuang chhuah chhal tur chuan an kal leh a, a hnenah chuan, “Engah nge Kaikuang Chemtâtrâwta tiltêah i lo cheh ni?” an ti ve leh a. Kai kuang chuan chhuanlam tur a hre ta hauh lo mai a. A zahzel chuan, “Ih, ih, ih, meiah min rawh leh naupang lawmah ka sen vit vêt ang a, tuia min thlak leh ka dâng bim bêm ang a,” a ti ta ringawt a. Tichuan, meiah an han rawh a, a sen ta vit vet mai a. Tuiah an han thlak leh a, chu veleh, “Nu leh pa khua chu nuam sing khaw,” a ti a, pûkah a perh lut ta daih mai a. Tih ngaihna an hre ta lo hle a. Püka a awm chu hnahthial kungin an hawlh a, a hmui te chu an hawh pawr sung mai a, chuvangin tun thieng hian Kaikuang hmui hi a pawr ta sung mai a ni, an tia lawm. Kaikuang chuan an hawlhna hnahthel kung chu anchhia a lo lawh a, “Tun atang chuan i rai apiangin raichehin thi ziah tawh ang che,” a ti a. Chuvangin, hnathial hi a raina kung chu a thi ta zel a ni an ti zuk nia.
