Chepahakhata
Tlangval hmelchhe tak, chepa ha anga khat mawi lo tak a neih avanga Chepahakhata an tih tak a ni a. Nupui pawh hmu zo lo tura an ngaih hial ni mah se, nupui dawithiam hmeltha tak a nei a. A nupui zarah chuan damkhaw chhuahna tur atana thil pawimawh tak Belte-phai-thei-lo a nei a. Beltephai-thei-lo hi Mizo pi leh pute duhthusam ram tarlangtu pawh a tih loh theih lo vang. Chepahakhata zarah hian Vai aiin Mizote an fing zawk a ni tih hmuh theihin a awm nghe nghe a ni. A kimchang zawkin: Chepahakháta hi tlangval hmelchhe tak a ni a, nupui pawh a hmuh zo lo a ni a. Vanneia siamin nupui a hmu ta a, dawithiam a lo ni hlauh lehnghal a. Changêl hmun chu khaw ropui deuhvah a han dawi ta mai a. Lal an lo ni ta reng mai a, Chepahakháta chuan nuam a ti em em a, fanu an han nei a, a lawm hle a. Chepahakháta chu a leng kual vel a, mite chuan an lo titha em em a, zu te an zûk a, ran te an talh bawk a, a lêng chuan hawn leh nachang a hre ta lo va. A nupui chuan a fanu a kohtir pawhin a nuam ti lutuk chu haw nachang a hre lo va. Vawi tam a kohtir hnuah pawh a lo haw theih tak lovah chuan a nupui chu a thinur hle a, an khua zawng zawng kha changél hmunah a chantir leh ta veka, an nufa chuan Pu Vana hnenah an chho ta daih a. Chepahakháta Mizo chu a han harh a, a awmna chu ramhnuai Changel hmun hlir a lo ni ta a, tichuan khawhar leh riltam takin a vak a vak ta a. Chutia eitur nei lo chuan a vak a vak a, a fanu khan a zuk hmu a, a khawngaih ta em em a. A nu chuan bélte phai thei lo thlâksak turin a ti a, a riltam apiangin ei tur a nei thei ta a. Ni khat chu Vai lalpa khuaah hian a va kal a, a hmel a chhiat em avangin chu lal chuan a lo haw viau mai a, Chepahakháta chu chaw khawrhah inelpuia, ani aia a khawrh tlem zawk chuan tihlum a tum a.Vai lal chuan a khuate chu chaw a chhumtir teuh va. Mahse, Chepahakháta chu a chak zawk avangiin Vai lal thinrim chuan a bel a vuak kehsak a, amah chu hmawng lerah a zehtir ta a. Chutih lai chuan a awmna thingah chuan Vaiva leh Vakul hovin ro an rel ta a. Vaiva chuan Vai an tan a, Vakul chuan Mizo an tan a. An thurél tur chu, “Mizo nge “Mizo nge Þ ng ang Vai?”tih hi a ni a. Ineltir an tum ta a. fing ang Vai?”tih hi a ni a. Ineltir an tum ta a. Fa hriat theih thuah te, Bawng lu leh mawng hriatah te, Thul chhin lam hriat theihah te, an inel a. Mahse, Chepahakháta chuan engkim a lo hriat ruk avangin a Mizo puite chu a chakpui ta a. Van atangin a fanu leh a nupui chuan an lo thlîr ve reng a. An pa chu an ngaisang ta hle a, tun hmaa a thil tihsual zawng zawngah chuan a nupui chuan a ngaidam veka. Van atangin an rawn chhuk leh a, tun hmaa an awm dan ang chiah khan changél hmun chu khaw ropui takah a nupui chuan a chantir leh ta a. Chepahakhâta pawhin a thil chin tha lo zawng zawng kha a sim vek tawh a. Hlim em emin an chhungkua chuan an khawsaho ta a ni.
