Chhurbura
Chhurbura hi pa danglam, Þ ng leh rem hre tak a ni a. A hunlaiin mi tam tak a bum a, vawiin thlenga a tak anga mi tam takin kan hriat tlat chhan pawh hi a Þ nna vang a ni a, min la bum zel tihna a nih ber chu. Pa huaisen tak a ni a, a hunlaia miten an hlauh em em Phungpuinu pawh mana chaih mai thei a ni a. Mizote duhthusam thil hlu Sekibuhchhuak, a lulam leh mawng lama sa leh buh tichhuak thei pawh Phungpuinu lak at angin a chhuhsak thei a ni. A kimchang zawkin: Chhura khan Phungnu fate a repsak avang khan Phungnu khan Chhura chu a hlau viau mai a. Tin, Chhura khan Phungnu kha engtin emaw a man hram theihna a ngaihtuah ve bawk a. Chhura chuan thlâm hnuaiah pipu a suih a, a uai nual nual thin a. Chu chu vau atangin Phungnu chuan a lo hmu ru reng a. Nakinah chuan Chhura chu a haw der a, a rukin thlâm chhungah chuan a lut leh a. Phungnu khan Chhura kha a haw ta emaw a ti a, thlâm hnuaia pipu-ah chuan a han uai ta a. “Chhura a awm ta lo ve,” a ti a, a uai duai duai a. Chu veleh Chhura chuan thlâm chhuat a keu va, Phungnu samah chuan a zuk tham ta tlat mai a, thlâmah chuan a hnuk lut ta a, a phuar ta a. “Ti hian ka hawn che ang a, naupanghovin an chaih luai luai mai ang che le, arpui kawlhte an limtir awrh awrh mai ang che le,” a ti a. Mizo Tah chuan, Phungnu thlaphang chuan, “Chhura, tlan lang,” a ti a. Chhura chuan, “Engin?” a ti a, Phungnu chuan, “Hreipui khuai tu theiin,” a ti a. Chhura chuan, “Amahin a tu thei em ni?” a ti a. Phungnu chuan, “Tha nen lo chuan,” a ti a, Chhura chuan, “Ka nei ve bawk,” a ti a. Phungnu chuan, “Chhura, tlan lang,” a ti leh a, Chhura chuan, “Engin?” a ti leh a. Phungnu chuan, “Tuthlawh hlo thlo theiin,” a ti leh a, Chhura chuan, “Ka nei ve bawk,” a ti leh a. Nakinah chuan, Phungnu chuan, “Chhura tlan lang,” a ti leh ta a, Chhura chuan, “Engin?” a ti leh a; tah-chuan, Phungnu chuan, “Sekibuhchhuakin,” a ti ta a, Chhura chuan, “Engtia tih tur nge ni ang?” a ti a, Phungnu chuan, “Sekibuhchhuak buhchhuak e, a lu lamah chhuak ang maw, a mawng lamah chhuak ang maw, Sekibuhchhuak buhchhuak e, i ti anga, buh leh sa hminsa a lo chhuak a lo chhuak mai ang,” a ti a. Chhura chuan, “Ni ang hmiang, han la rawh le,” a ti ta a. Phungnu chuan, Chhura chu tihder a tum a, a lem hi a rawn la a, mahse, a tihdan tur a tih ang khan an han ti a, Vawk ek tumtual hlir a lo chhuak a, chu chu a duh lo va, a tak tak ngei chu a ngen chhuak ta a ni.
