Keimingi (Mizo Version)

Keimingi 

Keimingi hi keimi hmeichhia kan neih tlemte zinga chuan kan hriat lar ber a ni hial awm e. Hualtungamtawna’n nupui atan a nei a, amaherawhchu keimi leh mihring inkawp hi rem lo tura khua duansa ang hrimin anni nupa inkarah pawh harsatna a thleng zui nasa hle a. Hlim taka inneihna aiin, indo leh inhal takin an awm a. An chungah thihna te hial a thlen phah zui nghe nghe. A kimchang zawkin: Hman lai hian pa pakhat hian fanu hmeltha tak leh tapa pahnih a nei a, a fanu hming chu Keimingi a ni a, anmahni chu Keimi an ni. Chung lai chuan an khaw piahah tlangval hmeltha leh huaisen tak hi a awm a, a hming chu Hualtungamtawna a ni a. Hualtungamtawna chuan sa a kap thei em em mai a. A sa kah lu chu an bang laiah hian an tar thut mai a, Sakei lu te pawh tam taka tax a. Chutia Hualtungamtawna’n sakei a kap fo mai leh a lu a tar teh mai chu Keimi-ho chuan an haw em em a, tihhlum dan kawng an ngaihtuah ta a. Vawikhat chu Keimingi nu leh pa chuan an fanu hnenah chuan, “Hualtungamtawna thang kamah va kal la, ‘khawi lam mi nge i nih?’ a lo tih che chuan, ‘mi rethei vak mai mai ka ni e, neih tur te hi awm sela neih ka duh em em a Mizo ni,’ va ti la; “innei ang’ a tih leh ‘aw’ i ti dawn nia,” an tia. Keimingi chu a kal ta a, Hualtungamtawna chuan hmeltha a lo ti hle mai a, thu pawh chu a lo zawt ngei a. Keimingi chuan a nu leh pate chah ang khan a chhang a, an innei ta a. Ni khat chu a pasala nau nen Kelmingi chu ramah an chhuak dun a. Changel hmunpui hi an va thleng a, Keimingi chuan, “Chêmte, helai changel hmun chu nunchan zir nan a va tha em!” a ti a.A nau hruai chuan a hlauh a rin avangin Keimingi chuan a zir hreh deuh si a. A nau chuan, “Han zir teh, ka lo thlir ang che,” a tia. Keimingi chuan, “Min hlau ang a,” a ti a. A nau chuan, “Hlau lo vang,” a ti a. Keimingi chuan,”A nih leh min hlauh tak em leh hei hian min deng la, ka bang vat ang e,” a ti a. Tichuan Keimingi chu, “Huk, huk huk.... tiin mei kawh hian a lim ta chiam, changel hmun chu a kaw zawt zawt mai a. Keiming awm dan a hmuh chuan a nau chu a tha a khur a, a hlau ta em em mai a, “Ka u bang tawh rawh,” a han ti thin a, a ban duh tak si loh avangin a hawsan ta a. Chutia thlabar em ema a haw chu a na zui ta a. A nu leh pate chuan an thawi thin a, a dam thei reng reng lo va. A nu leh pate hnenah chuan, “Min thawi mah ula ka dam chuang lo vang,” a ti a. A dam theih loh chhan an zawh lahin a sawi ngam bawk si lo. Nakinah chuan an ngen avangin Keimingi awm dan a rap lutuk avanga damlo a nih thu a sawi ta vek a. A nu leh pate chu an thinrim ta em em mai a. Mizo Tichuan Keimingi tihhlumna remchang atan Khuang chawi an rawt ta a. Khuang chu an chawi ta a. Khuang chungah chuan Keimi nula chu an chuantir a, chutih lai chuan lo kahhlum tur a ni. A pasal Hualtungamtawna chu zuin an hrai rui a, khuang chunga Keimi nula a chuan lai tak chuan, “Khaw nge keimah Hualtungamtawna ka ni ngai e,” tia hming chhal meuh hian silaiin a han kap a. Mahse a ruih lutuk avangin a kap tuh ta lo hlauh mai a. Keimingi chuan a hlau em em a, mei kawh hian a lim ta zur zur mai a. Hualtungamtawna pawh chuan kah a tum zui ta lo va. Keimingi nu leh pa pawh chu, Hualtungamtawna’n an fanu thah a tum avang chuan an thinrim ve em em a. Vawikhat chu Hualltungamtawna te chuan vawk an taih dawn a, Keimingi chhungte chu an chah a. Keimingi nutate pahnih chu an lo kal a, Hualtungam-tawna in chhungah chuan an han lut a. Banglaia Sakei lu lo intar thut mai an han hmuh chuan an rilru a na thar em em mai a. Zan a lo thlen chuan an han mu a, Keimingi te nupa chu an muhil bawrh bawrh a, Keimingi nutate erawh chu a muhil ve thei lo va. Zanlaiah chuan Keimingi nutate chuan bang laia Sakei lu intar chu an tah ta a. Ka u aw nger ngur, I dam laia ramsa i hawl a, I thih hnua laibang i mawi; Ka u aw nger ngur, Thingthu aw tlum zuk, Hualtungamtawna seh nan, Mizo an ti an ti ta mai a. Nakinah chuan a zun a tichhuak der a, “Ka pa tho rawh, ka zun a chhuak e,” tiin a pa chu a kai tho ta ringawt mai a. A pa lah chuan engmah hre ve hek lo, “Va zung mai rawh, engmah hlauh tur a awm lo ve,” a lo ti mai a. Nimahsela a fanuin, “Ka ngam lo, min hruai rawh,” a tih tlat avangin a pa chuan a va hruai ta a. Pawn an thien chuan a fanu chuan, “Ka pa, kan mikhualte kha an tap a, ka hlau em mai,” a ti a, an tah dan te a hrilh a. Hualtungamtawna chuan, “Zuk ni taka le! Bawihte, hlau suh engmah an tih lo vang che, kal rawh, i lut leh ang,” a ti a.An mikhualte chu sakei an lo ni reng mai tih a hriat chuan a thinrim em em a. In chhunga an luh leh hnu chuan an mikhualte chuan anmahni chu an seh mai hlauvin mei an tuah eng a, ditipa sazu awm hlei lo chu, “Khi pawh khi pawn, “ an ti a, an perh an perh ta mai a. An mikhualte chuan, “Nangni pafa chu engtizia nge zanlai laia sazu in perh in perh tak mai le?” an ti a. Hualtungamtawna chuan, “Keini zawng kan dan ve reng a nia, “a tihsan mai a. Hualtungamtawna chuan a mikhualte chu.a lawm lo hle mai a, “Sarep ka mun ang che u,” ti a, thir-hlûm hi a mun sak a. A tuk khua a lo var chuan an hnenah, “Khai le, ka Mizo vawkpa chu i talh ang u hmiang, nangni tangval chak in ni a, va luh chhuak ta che u,” ti a. Keimingi nutate chuan, “Aw le..” an ti a. Tichuan an mikhualte chu vawk huangah chuan an lut ta a. Sakeiah an chang a, vawk chu hukin an um ta zawr zawr mai a. Chutih lai tak chuan Hualtungamtawna chuan an zakdawh tak maiah hian a silaiin a lo kap chat chat mai a, Keimingi nutate chu an thi ta a. Hualtungamtawna’n a nutate a thah avang chuan Keimingi chu a thinrim leh ta em em a, a thih theih na tur a ngaihtuah ve ta a. Nupa nih nak-a-laiin intihhlum theih dan ngawt an ngaihtuah tawn ta mai a. Vawi khat chu a nupui a raino lai hian Hualtungamtawna chuan, “Keiming, eng nge i duh ber, ka laksak ang che,” a ti a. Keimingi chuan a thihna tur ngei nia a rin chu sawiin, “tawia Nghalphusen sa ka ei chak ber, ka ei loh chuan ka râwp a reh thei lo,” a ti ta tlat mai a. Nghalphusen chu a hlauhawm em em a, mahse Hualtungamtawna chuan dawi a thiam avangin a hlau vak lo va, “Ka han laksak ang che,” a ti a, a ui sathiam hruaiin a liam ta a. Hualtungamtawna chuan dawi a thiam bawk a, Ngahlphusen a beih hmain Tawia zova thing zawng zawng chu hmun khatah a dawi khawm vek a. Mahse phuanberh kung ber kher hi a lo dawi hmaih hlauh a. A dawi kim tawh emaw tiin thingah chuan a lawn a, chang a han tum raih a. Chutah Nghalphusen chu a lo chhuak ta dum dum a, Mizo chu chu a thalin a lo kap chat chat mai a. Thing hrang hrangah chuan a tlan kai zel a, a tawpah chuan pakhat chauh hi tihhlum loh a nei ta a. A thing dawi hmaih phuanberhah khan a per kai a, mahse a lo tliak ta hlauh va, a tla ta a. A ui hnenah chuan, “Va zualko ta lang, mi tam tak an lo kal ang a, min han zawn dawn ang a. Thing lian pui puia min zawn an tum ang a, an thei lo vang, diin min zawn dawn nia. In min thlenpui hunah kawngkaah min luhpui an tum ang a, mahse an thei lo vang. I kawngkaah min luhpui rawh se. Chhuatah mi zalh dawn hunah chuan hmunphiah kha thut bet tlat la. Keimingi’n hmun a han phiat dawn ang a, ‘Ul’ a han tih veleh a kaihza tha chhat thawt ang che,” a ti a. Ui chu zualko tur chuan a tan ta vang vang a. Mi chu a va ko va, an lo kal teuh mal a. A zawn nan chuan thing an han hmang dawn a, a tliak hmawk thin a. Chutih lai chuan Ui chuan a chungah chuan di a lo dah thin a. Mite chuan, “He ui hian eng nge maw a hriat chu le, di hi a dah a dah mai a, a chhan riau a awm a ni ang e, di awm chung hian zawn i tum mai ang u,” an ti a. Di chu an han dah a, a tliak ta hauh lo va, an zawn haw thei ta a. In an thlen chuan kawngkaah an han zawn lut dawn a, a leng ta hauh lo mai a. Chutih lai chuan a ui chuan kawngka hnuai a en a, a vir sek mai a. Mite chuan, “Ngawi teh u, he ui hian kawngka hnuaiah luhpui tur a ti a ni awm e, ti a. Kawngka hnuaiah chuan an han rawlh a, an luhpui ta zân mai a. A ruang an zalh chu Keimingi chuan pawiti ni awm Mizo tak hian a tah a tah mai a, a rilru tak erawh chuan a lawm hle si a. Nakinah chuan Keimingi chuan hmun a han phiat dawn a, hmunphiah chu Ui hian a lo thut a, “Ui, i hnawk e,” a han ti a. Chu veleh Ui chuan beleuh pah hian Keimingi kaihza tha chu a han chhat thawt mai a, a tlanbo ta nghal a. Hualtungamtawna ruang chu an phum ta a. Hualtungamtawna ui chu Chinghnia hi a ni a, sa a seh apiangin a pu thlana Hnahkiah bulah chuan a sa seh thin leh lung chu a dah ta ziah a. Tun thleng hian chinghniain sa an seh phawt chuan hnahkiah bulah a thin leh a lung an la dah ziah thin an tia lawm.