Manghauva
Damlohna avanga thi zawng zawng te chu Manghauvate hian a la ve thungah an ngai a. Mumang lama hmutute chuan bawmrang lianpui a phur a, mihring lu hi a dah khat tlat a, chuti chung pawh chuan thler dangah a la inphur liam vut vut fovin an hmu a, an hlau em em thin. A kimchang zawkin: Kan Mizo Pi leh pute khan thih dan chi hrang hrang an nei a, chung an thih dan chi hrang hrang an sawi te zing ami chu Awmlai thi hi a ni. Manghaia tia sawi te pawh an awm a ziaktu tam zawk hi chuan Manghauva tiin an sawi thin. Ramhuai mihring tihlumtu (God of Death) nia sawi a ni thin bawk. Damlohna emaw natna neia thi ta te zawng zawng hi Manghauva lak niin an ring thin. Mihring tihlumtu thlarau leh huai mak tak tak awmin an ring thin a, chung zingah chuan Lalthankhupa te, Sanu te bakah tuna kan sawi lai mek kan sawi mek Manghauva te hi an ni awm e. A taka hmutu awm hauh mah suh se, mumang lama hmutute sawi dan chuan, bawmrang lian pui a hnungah a phur a mitthi tawh lu chu bawmah a dah khat ruih a chuti chung chuan thler dangah lu dang phurh tur zawngin a vai ruai a, thler tinah chak tak takin a kal vut vut thin tiin an sawi t hin. Chuvangin awmlaia thi apiang chu Manghauva tihhlumah an ngai a an hlau em em thin. Hlaah pawh tihian a awm a; ‘’Ka tuai chawnban a kai Manhauvan, Suanglung tih lo ngunhnam chawi ila; Zunfeiin sial ang chhun i.’’ (Darpawngi)
