Mauruangi
Mauruangi hi a nuhrawnin a ti duhdah em em a, buh aiah favaite a pe thin. Chaw kaw puar khawpa ei tur a neih loh avangin a cherin a dawldang em em mai a. A nu thi tawh chuan a khawngaih em avangin Thaichhawninu te, Phunchawngah te changin lo hrai bawk thin mah se, a nuhrawn chuan a tihhlumsak zel thin. Chutianga hrehawm taka hun leh nite a chhiar mek lai chuan Vai lal nupui zawngin nupui atan a hawn ta a, a nun a lo nuam ve ta a ni. A kimchang zawkin: Mauruangi chu a nu leh a pa fa neihchhun a ni a, an duat thei em em a, ni khat chu a nu leh pa an fehna lamah leilawn zawh ngam lo lo haw lamah innamthlak an ti a, a pasal chuan a pumphir phur tur chu zang takin a tel a, a nupui phur tur erawh chu rit takin a siamsak thung a, tichuan haw kawngah leilawn a zawh ngam ta lo va a pasal chuan luiah a namthla ta a ni. Mauruangi chuan nghakhlel takin a nu leh pa lo haw hun chu a lo hmuak a, a nu a hmu ve ta si lova, a pa a zawh chuan dawt a hrilh zel a, a tawpah chuan tuia a namthlak thu a hrilh a. Khatia Mauruangi Pa in Mauruangi Nu a nemthlak hnu khan a nu chu sangha lianpui Thaichawninuah a chang ta a ni. A pa chu Bingtaii nu nen an inneia, a tirah chuan Mauruangi chu duat viau mah se a hnuah a tirethei em em a, favai Mizo chiarte pein a cher ta em em a, a ti duh dah hle thin a, chutia hreawm taka a awm lai chuan a nu Thaichhawni nu a chang chuan ei tur tha tha a lo pe thin a a lo thau ta kung kung a, a thua na chhan an hriat chuan an man sak daiha, a hnuah a nu ro chu sawntlung pawngah a phuma Phunchawngah a lo changa chumi par zu hmang chuan a lo thau leh a, a hnuah an kih sak leh daiha,hrehawm taka Mauruangi a awm lai chuan ni khat chu Vai lal nupui atan a chhiahhlawh te chuan an hawn daiha Vai lal chuan a hmangaihin Mauruangi pawh a nuam sa tawh hle a, a nu hrawn in Mauruangi chu zin turin a chaha tui so a hleihhlumin a lo that daiha Saza fa awm tu ah a tang ta a, a ai ah Bingtaii chu a nu hrawn chuan Vai lal hnenah Mauruangi ang in a tira Vai lal nupuiah Bingtaii chu a tang ta a. Ni khat chu Vai lal chhiahhlawhte chu an ram chhuak a, puk pakhatah hian Mauruangi chu a pu Saza nau lo awm hi an hmu a, Chhiahhlawhte chuan Saza hnenah a nua awmtu chu neih an dil a, Mauruangi chu an nei let leh thei phah a ni. Vai lal chuan a nupuite pahnih Bingtaii leh Mauruangi, ‘In sual rawh se , tichuan a hnehtu zawk zawk chu ka nupui atan ka nei ang,’ a ti a. An han insuala Mauruangi chu a chak ta zawk a, Vai lal nupuiah a tang hlen ta a ni.
