Sichangneii
Parawl pakhat hian tui a khuah a, chu a tuikhuah chuan tuk tinin Van atanga nula pakhat rawn thlawk thlaa rawn inbual thin a awm a. A rawn tihnut thin avangin parawl chuan a chang a, a man ta a. Nula hmeltha tak, chang mawi tak nei a nih avangin Sichangneii an ti a. A thla te chu phulraw theiah a khung a, rap chungah a thukru ta a, nupuiah neiin ni khua a lo rei hnu chuan fapa hlir pasarih (7) a hrinsak ta a. Chungte pawh chu mihring pangngai ni lovin, van lam thiltihtheihna chhawmtu vek an ni a. [An nihna leh an thiltihtheihna chuan an hming pawh hriat zui an ni ta nghe nghe a ni. Chungte chu Kaptheia, Dotheia, Hmutheia, Haitheia, Chhintheia, Mantheia leh Tlumtea] A kimchang zawkin: Hmanlai hian parawl pakhat a awm a, tuk tin hian zing takah tui chawi turin a chhuak thin a, a tui chawi tur chu an lo tihnutsak thin a. Chutah chuan pitar pakhat hian chu pa hnenah chuan a tui chawi tur tihnutsak t hintu chu a hriat thu a hrilh a. Sichangneii te unau an nih thu pawh a hrilh bawk a. A man theih dan tur lam nen chuan a hrilh ta vek a. Mizo Tum hnih a channaah chuan a man thei ta a. Tichuan a thla chu phulraw theiah a khung a, rap chungah a thukru ta a. Ni khua a lo rei hnu chuan fa paruk (6) lai an lo nei a. Chungte chu Kaptheia, Dotheia, Haitheia Chhintheia, Mantheia leh Tlumtea te an ni a. An lo chhangchhiat tak em avang chuan an fate chu an inawm chhawk thin a. A pain a awm ni chuan rap chunga anu thla chu a tawn tir theuh a, sawi chhuak lo turin a ti bawk a an lam siau siau a, nuam an ti thei hle a. A nuin a awm tum chuan an hlim meuh lo va. Ni khat chu a naupang ber Tlumtea chuan a nu hnena a thla awmna a hriat thu chu a hrilh ta a. A unau dangte chuan an lo khap bawk a. Tichuan an nu chu vanah chuan a thlawk chho ta daih a. Rei lo ah an pa chu a lo haw a a fate chuan thil awm dan an lo hrilh chuan chutia a nupui ber a awm tak lohah chuan a tilmu chu a chhu keh a. A thi ta mai a. Tichuan an vakvai ta a. Tichuan an mangang chu Entheia chuan an nu awm na chu a han en a, Kaptheia chuan an nu sum kotlangah chuan a thal chu a han kap bur ta chat a. An nu chuan lo hmuin a hrualhrui chu a thlak thla a, an unau chuan an uai kai ta hlawm a. An nu inah chuan hringei pakhat hi a awm a, chu pa chuan an thihna turin thang a kam a, an hming chawi ang hian an unau chu an inchhan thei zel thin a. Chutiia hringei pa tih dan chu anu an hrilh hnu chuan lei lamah chhuk turin leh mual sariha sathang kam turin a ti ta a. Tichuan a nu sawi ang chuan an ti a, an vannei thei hle mai a. Chutia an hlawhtlin em em thin lai chuan anu chuan favai a rawn thlak ta a, an mit chu a del ta vek a. Mit del chung chuan an sa thang Mizo chu an va en thin a, an sa awh an insem chu Chawmnu hian a lo dawh ve thin a. An chan tur ang chu chang lovin an inhre ta fo a. Chutah chuan Tlumtea chuan a sem ve ta a. A sem apiang chuan tu kut nge a zawt zel a. A tawp berah chuan Chawmnu kut chu a hre ta a, a man bet a, lungpui chungah chuan a sawh ta chawrh a. A thi ta a. Chawmnu thluak chu Tlumtea mitah chuan a per a, a lo var ta re re a. Tichuan mit varna tih an hre ta a. An inhnawih ta theuh a, an mit chu a lo var leh ta hlawm a. Chuta chin chu lo an nei a, hlo thloin an riak ta a, chaw an inchhum chhawk thin a. Chawmnu chuan an nunna nge chaw pek chu a dil thin a, an nunna ai chuan chaw chu an pe ta zel a. A tawpah Tlumtea chu a thinur ta a. A tawp berah chuan chaw chu a chhum ve ta a. Chaw a chhum pah chuan bawm chu a tah a, Chawmnu chuan a thut chilh bawk a. Tichuan Chawmnu chu a man ta a. Chawmnu chuan a hlau ta a. An unau indaih tur thil an insem tur a tiam ta a.Chutiang chuan an insem tur thil hrang hrang chu a pe ta a. Tlumtea unaute chu an lo haw khawm ta a, tichuan an thil insem tur chu chaw ei aiin an insem ta theuh a. Tichuan an thil insem zinga Tlumtea nupui tih loh chu a Chawmnu chuan a ei ta vek a. Tlumtea nupui fa hring hlim hlawl chu a hruai haw ta a. A fahrin chu enkawltu awm mang lo chuan a lo sei lian ve ta a. Tlumtea fapa Fahrahte chu a nu zawng tur chuan lal hrang hrang hnenah a chhuak ta a, thil chi hrang hrangah chuan nihna a thleng thei ta zel a, khawimu ah te, sazu ah te chuan a chang thei ta zel a. A tawpah chuan a nu te khua chu Mizo a va thleng ta a. Tichuan Phungnu (chawmnu) siamtu hriat tum chuan hma an la leh ta a. A tawpah chuan Phungu siamtu chu parva sen a ni tih a hre ta a. Chutia Phungnu siamtu a hriat takah chuan a let leh ta a. In a va hlawh thlen chuan Phungnu chuan Fahrahtea chu a rawn chhuah khalh a tichuan an insual ta a. Tichuan parva thla chu Fahrahtea chuan a ulh tliak a, a la hneh dawna a hriat loh hnuah chuan a khup ruh chu a ulh tliak leh ta a. A la hneh dawn lova a hriat avang leh a lu a a la nawr avang chuan Parva ring ruh chu a thuai chhum ta hmawk a. Phungnu (Chawmnu) chu a thi ta a. Tichuan an nufa chuan thlamuang takin an cheng dun thei ta a.
