Vawiin ni 7.12.2022 Dar 2:00 pm khan Vanapa Hall-ah NEZCC, Ministry of Culture leh Art & Culture Department, Mizoram te buatsaih 15 Days Children Threatre Workshop neih chu a kharna hun hman a ni a, Pu R. Hmingthanzuala, Director, Art & Culture Department chu khuallian a ni.

Pu K. Lalruala, Deputy Director, Art & Culture Dept chuan inkhawm a kaihruai a, Pu M.S Ralte, Workshop Director chuan report pe-in Dr. Lalbiakmawia Ngente, Principal Saihnuni Sailo Memorial School-in thusawina huna hmang a. Ms. Lalrinngheti, Vice Principal, SS Memorial School-in lawmthu sawina hun a hmang bawk a ni.

Threaytre Worshop kharna inkhawmah hian School naupang mi 130 bawr vel an tel a, Threatre Workshop-a tel tur hian Saihnuni Sailo Memorial School atangin mi 20 thlan an ni a, wokshop hi ni 15 chung neih tur a tih a ni a, a hun chhung hian Sunday a tlak tel avangin ni 11 chhung neih a ni ta a ni.

Khuallian Pu R. Hmingthanzuala chuan thu sawiin, zirlai naupangte chu Zoram nghahfak ni thei tura tan la turin a fuih a, thiamna hian thil ken tel tam tak a nei a, hun lo la awm zel turah artists ropui tak ni thei turin hmalam pan zel tura a duhsak thu a sawi a ni.