Art & Culture Department Annual Working Programme-a ni thum awh Workshop on Khuallam & Chheihlam, Little Flower Convent School, Serchhip a neih chu tluang takin zawh fel a ni.
He programme hi Mizoram-ah chuan kan neih vawi khatna a ni a. Aug. 21-23, 2024 chhunga neih tura ruahman chu tunhnai ruah sur nasa avanga District thuneitu ten School chawlh an puan avangin a hun taka tan theih a ni lova, Aug. 22-24, 2024 chhung khan neih a ni ta zawk a. He Workshop hi Aug. 22, 2024 khan Sister Wilma, Headmistress in hawngin zirlai 300 rual, Clas V - VII ten Khuallam leh Chheihlam an zir a. Thahnemngai taka ni thum chhung an zir hnu Aug. 25, 2024 (Inrinni) chawhnu ah kharna inkhawm hun hmanga tih tawp a ni.
Kharna inkhawm School ground-a neihah Sister Wilma, Headmistress, Little Flower Convent School chuan inlawmna thu a sawi a. Pu R. Kawlthuama, Chairman, School Managing Board chu Khuallian niin School naupang ten Sarlamkai leh Workshop-a an zir Khuallam leh Chheihlam an entir a. Pu F. Lalthanmawia, Dy. Director, Art & Culture Department chuan programme ruahman a nih dan tlangpui leh School hotu ten inhawng taka an lo thlen avanga prog a hlawhtlin thu a sawi bawk. He Workshop a ldm zirtirtu te chu - Nl Esther Lalrinhlui, Dance Instructress, IMFA, Nl Anne C Sanghmingthangi, Tuikual North leh Tv Lalnunfela, Chanmari West te an ni.
