August 14, 2025 khan Art & Culture Department chuan Institute of Music & Fine Arts (IMFA) Graduation Day chu vanapa Hall-ah hman a ni a, IMFA hnuaia 3 (Three) Months Certificate Course on Traditional Dance, Modern Music, Folk Music & Drama Batch 69-na pual in IMFA Graduation Day hi hman a ni.

IMFA Graduation Day programme hi chawhma dar 10:30 khan neih tan a ni a, Pu F. Lalthanmawia, Joint Director, Art & Culture Department chuan Introductory Speech neiin bul a tan a. IMFA zirlai 69 Batch te atangin Mizo hnamlam leh Lemchan-te entir a ni a; tin, zai mawi tak tak te ngaihthlak a ni bawk. 

IMFA-a zirlaite hian Rimawi leh Hnamlam te mai bakah MIzo Customary Law te, MIzo nun dan mawi leh tha te, eizawnna tlaka an zirlai an hman chhunzawm theihna tura pawimawh hrang hrang te nen an zirtir thin thu a sawi.  IMFA Student 69 Batch zirlaite aiawhin  thusawi ngaihthlak a ni bawk. 

Institute Of Music & Fine Arts din tur hian kum 1980  chho atanga  hmalak a ni a, kum 1982 khan Tribal Research Institute hnuaia sawrkhar hma lakna pangngai anga din ṭan a ni a, a bul tan tirha faculty awm te chu -  Pu Joseph Zokunga, Pu Zorampela, Pu Saithantluanga Sailo, Pun Laltlanthanga, Pu F. Hrangmuana, Pu H. Kaibuaia, Pu Lalthanzama Sailo, Pu Lalbiakmawia leh Pu TK-a te an ni. IMFA-ah hian Senior Instructor hnuaiah Wing 3 - Mizo Culture & Dance  wing, Drama Wing leh Modern Music Wing te awm in hengah te hian Chapchar Kut zawh thla-ah heng Wing hrang hrangah te hian zirlai tan a ni thin. Tunah hian Batch 67-na neih zawh mek a ni. He Institute aṭang hian mi sang chuang fe in an zir chhuak tawh a; India ram State hrang hrangah te Mizo hnam Lam leh zai te kum tinin vawi eng emaw zah pho chhuah a ni tawh a, Foreign ram thlengin Mizo hnam Culture an lo pho chhuak  tawh bawk a, Mizoram khaw tinah Mizo hnam lam leh zai rual khai tak a kan hman theihna turin theihtawpin hma an la thin a, an zir lai mai bakah hian Mizo Society-ah kan tradition a tha zawng chhawm nun zel te, Mizo hnam inpumkhatna lam te uar takin an zirtir thin a ni. Rimawi lama awmze neia thiamna leh hmasawnna hi he IMFA-a Modern Music wing hma lakna a ni a, thalai mi sang chuang fe-in music hi an lo zirchhuak tawh bawk a ni. Drama lamah hian nasa tak a hma lak a ni a, New Delhi (National Institute of Drama )atangin zirtirtu te an lo kal thin a, IMFA kal tlangin ṭhalaite zirtirna pek an ni thin. Tin, State hrang hrangah te Drama entir in an lo feh chhuak chamchi tawk ṭhin  bawk.

Institue of Music & Fine Arts, Art & Culture Department hnuaia Three Months Course Certificate chu kum 2025 hian kalpui leh a ni a. Class hi 1st May – 31st July chhung kalin 69th Batch ten tluang takin Mizo hnam lam, Modern Music leh Drama te zirtir an ni. 

 Mizo Hnamlam bikah zir duha dil engemaw zat zing ah mi 40 lak an ni a. Mi 38 in exam an hmachhawn thei a, Mi 37 pass chhuakin pakhat a hlawhtling zo ta lo a ni. Pakhatna atanga pathumna te hetiangin:

  1. Alan Laldinsanga, S/o Lalsangpuia Ralte, Ratu
  2. B. Lalchhanhima S/o B. Vanlalhruaitluanga, Saikhamakawn
  3. Lalnuntluanga S/o Sangtawna, Farkawn

Modern Music hi mi 29 zir tura thlan an ni a. Heng zingah hian mi 27 in exam an nei thei a ni. Exam zing ah mi 23 an pass a, mi 4 simple pass an awm awm a ni. Pakhatna atanga pathumna thleng hetiangin: 

  1. R. Lalrinfela S/o Vanlallawma (L), Tlangnuam
  2. Lalremruata S/o Zaneihthanga, Bawngkawn
  3. Lalhriatpuia S/o Lalduhliana, Tuithiang

July 2025 atangin Dance Wing leh Music Wing zirlaite hi Drama class a duh apiang tan pek an ni a. 12th August 2025 a Graduation Day-ah Drama Kawrdumbela, mizo thawnthu play hmuhnawm tak an entir a, mi 30 hnenah Drama Course Certificate hlan a ni.

 Art & Culture Department chuan zirlai zawng zawng te chungah lawmthu a sawi a, kum dangah pawh zirlai tha tak tak in rawn dil turin mipui te a sawm a ni.