Vawiin March 27, 2025 (Ningani) chawhnu dar 2:00 PM khan NEZCC, Dimapur, Ministry of Culture, Govt.’ of India, Art & Culture Department, Govt.' of Mizoram leh NEUHOF English Medium School, Aizawl te tangkawpin a buatsaih Production Oriented Folk Theatre Workshop 2025 kharna chu Neuhof English Medium School Hall-ah neih ni a. Pu T.C Lalkhuma, Joint Secretary, Art & Culture Department chuan Khuallian niin a hman pui.
Pu Vanlalhuma Singson, Archaeologist, Art & Culture Department chuan he hun hi a kaihruai a, Workshop Director, Pu MS Ralte hnen atangin report ngaihthlak a ni a, Miss Aengi Royte chuan kalkhawmte zaiin a awi a ni.
He Workshop-ah hian Neuhof School atanga thlanchhuah zirlai 15 (mipa 8 leh hmeichhia 7) an tel a, ni 7 chhung Folk Theatre Drama Worshop hi an neih zawh hnu-ah a kharna inkhawmna hian ‘Liandova te unau” drama hmuhnawm tak an entir a ni.
Khuallian Pu T.C. Lalkhuma chuan thusawiin, ‘Theatre Arts in a tum chu lemchang tute leh mipui inthlunzawm tir hi a ni a, kan hnam thawnthu fing tak takte hian hnam ropui kan nihna a lantir, chutiang entir thei drama tha tak tak kan neih chhoh zel a tul a ni’ a ti a. Khuallian chuan, ‘hnam nihna leh hnam thil ngaihlu a, chawi lar a, chawisang zel turin workshop a tel zirlaite a chah bawk a ni.
 |  |  |
 |  |  |
 |  |  |
 |  |  |
 |  |  |
 | |  |
 |  |  |
 |  |  |
 |  |
