Vawiin November 29, 2024 khan Pi Carol V.L.M.S. Dawngkimi, Director, Art & Culture Department chuan Anacrusis, Art & Culture Department Zaipawl music video thar pali -  Darmani zai, Zawlbuk zai, Chhimpheiduai zai, Chheihlam zai te a tlangzarh. Art & Culture Department Zaipawl - Anacrusis te hian State chhunga event leh programme pawimawh ah te hun an hmang thin a, memberte inpekna leh thawhrimna chu lawmawm a tih thu Director hian a sawi a ni. Anacrusis member te hi Aizawl khawpui chhung veng hrang hrang atanga department in a thlan chhuah te an ni a, office banah te leh zanah te hla zirin hun an hmang thin a ni. Pi Carol V.L.M.S. Dawngkimi chuan Convener leh Zaipawl conductor te thawhrimna chu fakawm a tih thu a sawi a, Department tan a pen chhuak chhunzawm zel turin a fuih bawk a ni. 

Music Video tlangzarh inkhawm hi Pu F. Lalthanmawia, Deputy Director chuan a kaihruai a, Anacrusis te chu state chhung leh pawn ah te pawh zaia feh chhuak thei zel tura inpuahchah turin a fuihin heng music video hlu tak en theih tura chhawpchhuah a ni thei hi lawmawm a tih thu a sawi a, music video siam nan a hun leh tha seng tute, office staff te leh member te hnenah lawmthu a sawi a, an thawhrimna te hi department tana thil tangkai tak a la nih tur thu a sawi bawk a ni. Pu Lalpiangliana, Conductor chuan Dept. hmalakna ah leh memberte inpekna ah lawmthu a sawi a, department tana hmalak theih dan tur tha tak a sawi bawk a, Zaipawl Convener Pu Zothanmawia chuan report a pe bawk a ni..

https://youtu.be/foio2ehfMFw?si=1S9cE1niRFO2iqjx

https://youtu.be/YWA1hUY-C5s?si=x6jLI8bs-O5KGcGJ

https://youtu.be/8G_9KHpLmJM?si=t0NNuXQD-Crz_zbX

https://youtu.be/iH5BgB2joTE?si=jP6GjMQupG80p3x4