January ni 6, 2024 khan Chapchar Kut Organizing Committee chu an chairman Art & Culture Minister Pu C. Lalsawivunga kaihhruaina hnuaiah kumin Chapchar Kut lawmna, A.R. Ground a neih tura hun hman dan tur leh mawhphurhna hrang hrang changtute hmalaknate thlir hovin Secretariat Conference Hall, MINECO ah vawiin khan an thukhawm.

Minister Pu C. Lalsawivunga chuan kut lawmna tur atanga mawhphurtu pawl leh sorkar department hrang hrangte chu kut hlawhtlin nan inpui tlang a, thawhhona tha tak nei turin a sawm a. Phur takin thawk a, kut hlawhtling tak mipuiin an hman theih nan theihtawp chhuah turin a chah a ni.

He meeting ah hiam programme committee in ruahmanna a lo siam tawh te chipchiar taka sawiho a ni a; sum senso chungchang te, kut ni a lirthei kallohna (no vehicle zone) siam chungchang leh thu pawimawh dangte kalpui dan tur rel a ni a.

Kumin Aizawl a Chapchar Kut lawmna neih turah hian food court, handloom & handicraft stall te siam leh tum a ni a. Kut pualin Painting & Photo exhibition leh flower show buatsaih a nih leh dawn bakah Chapchar Kut Run neih tum leh niin, a hun atan February ni 29 zingkar chu ruahman a ni.