Vawiin March 26, 2025 chawhma dar 10:00 khan Dungtlang khuaa Thangchhuah Mualah Pu C. Lalsawivunga, Hon'ble Minister, Art &  Culture chuan Mizo zinga sulsutu leh tawng sang sengluh thar te lung 6 phun chu a hawng.

He hun hi Dungtlang khaw Haw Runpui March 25, 2025 hman denchhena buatsaih a niin Mizo tihmingthatu leh sulsutu te lungphun 6 nen lung 58 phun a ni ta a, Lungphun sengluh tharte chu - Pu Lalduhawma, Chief Minister; Pu Zoramthanga, Ex-Chief Minster; Pi Lalrinpuíi, Mizo hmeichhe zinga Cabinet hmasa ber; Pi B. Sangkhumi, Mizo Hmeichhe zinga MPSC Chairman hmasa ber; David Zohmangaiha, Mizo zinga Mount Everest lawn chhuak hmasa ber leh Jeremy Lalrinnunga, Mizo zinga Youth Olympic Games Gold Medalist hmasa ber - te an ni.

He hun hi Tv. Samuel Lalrinsanga'n a kaihruai a, Rev. Lalmakpuia'n hunserh hmangin Pu Sawngkapa, Secretary, PPSHP-in hunserh a hmang a, Upa C. Lalfela'n tawngtaia Programme a tin hnuin Khuallian leh Khual thate chu Dungtlang 7000 hmun hlui fan pui an ni.