Vawiin ni 23 Aug, 2022 zing dar 7:00 AM ah khan Mizoram State Library, Art & Culture Department leh Raja Rammohun Roy Library Foundation (RRRLF) tangkawp chuan Awareness Rally on Women Empowerment an buatsaih a. Mizoram ah hian District 4 ah huaihawt tura an tih ang in - Aizawl District, Kolasib District, Lunglei District leh Champhai District ah te vawiin ni hian he awareness rally hi huaihawt a ni. Kum-in 2022 hi Raja Rammohun Roy piancham kum 250-na a ni a, a lawmnan RRRLF chuan kumin chhung hian India ram pum huapin Raja Rammohun Roy-a puala Programme hrang hrang buatsaih ni se a ti a. Vawiin programme pawh hi an hmalakna zinga pakhat a ni. RRRLF hian India ram District 250 ah huaihawt turin hma an la a, Raja Rammohun Roy hi Father of Modern India ti a sawi thin ani a, khawtlang nun siamthat mai bakah hmeichhiate dinhmun chawisanna kawngah pawh theihtawp a lo chhuah tawh thin a, hmeichhiate dinhmun chawisanna lama a thawhhlawk em avang leh a ngaihpawimawh em avangin amah hriatreng nan he rally hi buatsaih ani.
AIZAWL - Awareness rally programme hi Khatla Traffic Point ah hman niin Pu R. Hmingthanzuala, Director, Art & Culture in a kaihruai a, Khuallian Pu L. Thangmawia, MLA leh Vice Chairman, Human Resource Development Board in thuchah tawi a sawi bakah Pi Carol VLMS Dawngkimi, Joint Director, Art & Culture Department in lawmthu sawina hun a hmang. Khuallian in Rally Flag off na neiin, Khatla Traffic Point atanga tanin Mizoram State Library, MINECO thleng kawngzawh ani a. He rally ah hian School 2 (pahnih) - Graceland School leh LR Higher Secondary School ten telpui in, School naupang 100 an tel thei ani.
LUNGLEI : Rally hawnna (Inaugural) inkhawm tawi hi Sacred Heart School tualzawlah neih a ni a, Nl.Vanlalhruaii Sailo, Librarian-in kaihruaiin Pu R.K. Lalawmpuia, Special Officer-in lawmthu a sawi a. Khuallian Pi Melody Ngurthantluangi, MCS; SDO (Sadar), Lunglei-in thu sawiin kawngzawh hi a vai liam (flag off) a ni. Rally-ah hian Sacred Heart School naupang 270 (Hmeichhia) bakah zirtirtu 10 (hmeichhia) an tel (participate) a, Sacred Heart School, Venglai atangin Bazar veng kaltlangin Saikuti hall thleng kawng hi zawh a ni. '
CHAMPHAI : Rally hawnna inkhawm tawi hi Champhai Kahrawt Field-ah neih a ni a, Pu Zothanglawra, Librarian, Champhai District Libary-in inkhawm kaihruai a, Khuallian Pu James Lalrinchhana, MCS; DC Champhai-in thu sawiin kawngzawh hi a vai liam (flag off) a ni. GMHSS hmeichhe naupang 250 ten Kahrawt field aṭangin CHANEM thlengin kawng an zawh a ni.
KOLASIB : Chawhma dar 11:00 khan Venglai Bazar ah a hawnna hun hman a ni a, Pi K.Laltlanliani LDC, Kolasib District Library chuan inkhawm kaihruaiin, Khuallian Chief Guest Pi C. Laldinpuii President MHIP Sub- Headquarters Kolasib-in thu a sawi zawhah Rally hawnna a nei a ni. District Library thleng kawng zawh niin hetah hian refreshment tuihnai tak sem a ni bawk. St Maria Goretis Scholl leh Govt.Middle School , Kolaib School naupang 157 ten he hun hi an hmang a ni.
