Vawiin March 27, 2023 khan Vanapal Hall Aizawl-ah Nort East Zone Culture Centre (NEZCC), Dimapur, Ministry of Culture, Govt.' of India leh Art & Culture Department, Govt.' of Mizoram tangkawpin an buatsaih Bridging Folk & Classical Dance chu neih a ni.

He hun hi Pu K. Lalruala, Deputy Director, Art & Culture Department chuan a hmanpui a, thusawina hun a hman zawhin artiste-te hnenah Certificate a hlan a ni. Bridging Folk Dance & Classical Dance-ah hian Artiste mi 25 -  Institute of Music & Fine Arts (IMFA), Art & Culture Department atanga hnamlam zir chhuak te leh Gorkhali (Nepali) thalai-ten hnam chi hrang hrang lam te chu mawi leh nalh takin an thlunzawmin hnam hrang hrangten an hnam lam leh zai hmanga inpumkhatna leh in unauna an entir a. Bharatanatyam, Kathak dance, Nepali dance, Cheraw, Khuallam, Solakia leh Chheihlam te entir a ni.