Vawiin September 29, 2023 Zirtawpni khan Art & Culture Department leh Changzawl Branch YMA te tangkawp buatsaihin Changzawl khua-ah Cultural Meet neih a ni a, Pu F. Lalthanmawia, Senior Research Officer, Tribal Research Institute, Art & Culture Department chuan khuallian niin a hman pui.

Cultural Meet hi Govt. Middle School Ground, Changzawl-ah neih a ni a, Pu H. Vanlalchama, President, Changzawl Branch YMA in  Cultural Meet hawnna inkhawm a kaihruai a, Vanramhmingthianghlimi, Changzawl Branch YMA chuan hunserh a hmang a, Tv. Vanlalbiaknia, Secretary, Changzawl Branch YMA chuan inlawmna thu a sawi a ni. 

Khuallian Pu F. Lalthanmawia chuan thusawiin, 'hnam kan nihna ti langtu chu kan hnam lam te leh kan hnam chindan te hi a ni a, mizo nih maiah duhtawk lovin kan hnam ziarang leh kan hnam lam te thiam a, hre chiang a, uar deuh deuh hi kan tih tur a ni, " a ti a, Changzawl khua Culrutal Meet hi a hawng a ni. 

Village Council, Changzawl leh Mawmrang Group YMA aiawh atang tein thusawi ngaihthlak a ni a, Tv. Lalremsiama, Secretary, Changzawl Branch YMA in lawmthu sawina hun a hmang bawk.

Cultural Programme hi neih chhunzawm nghal niin Tv. R. Lalvulmawizuala, GEC, Changzawl Branch YMA-in a kaihruai a; Changzawl khua-a NGO hrang hrang MHIP leh MUP te bakah Pawlrang Branch YMA, Saichal Branch YMA te leh Changzawl khua-a School awm te atangin Mizo hnamlam hmunnawm tak tak entir a ni a, a kar lakah mizo hnam zai ngaihnawm tak takte ngaihthlak a ni bawk. Changzawl khua hi Saitual Dist. Chhunga Mawmrang tlang bulah a awm a, in 120 vel niin mihring 600 vel an cheng a ni.