Mizo Kût ropui ber Chapchar Kût hi Mizo hnam nuna hun hlimawm ber a ni a. Lo vah lai amangin an ur man a. Tlangval lo vât haw, zanriah eikhamah Zawlbûkah an chhuak khawm a. Lênglen hmain Khuang leh Seki ring taka remin Zawlbûkah an chãi lãwk tluk tluk a. Tlangval Kûtpui ura an chãi thawm chuan mualkîl nula leh khawtlang rilru zawng zawng a nghawr tho va; khawtlang mipuiin Kûtpui thlen hlan an nghahhlelh phah em em a ni.
Lo an vah zawh kim veleh khawtlang huapin Lal leh Upa ten Kawngpui an siam a. Kawngpui siam zawh veleh Chapchar Kût hun tur tlangau an autir a. Kût sa zawn nan chawlhkar hnih tal chu hun an inpe mhin.
Vawk talh tur nei zawng zawngin Chapchar Kût ah hian vawk an talh a. Ralte vawk talh ni tûk chu Lusei vawk talh ni a ni a. Chumi ni chu Chhawnghnawh ni a ni nghal a. Chhawnghnawh zan chu ‘Thingfàr zan’ an ti a, ‘Mahni lu lam zan’ an ti bawk. Hemi zana tlaivar lo chu zan dangah an chãi ve thei tawh lova. Naupangte pawh an tlaivar a, nula leh tlangval chãi tlaivarte chu zankhuain zu an sem mhin.
A tûk chu ‘Zupui ni’ a ni a. Hemi ni hi kût ni ropui ber chu a ni. Chhung tinin sa an hmeh ngei ngei mhin. Sa hmeh tur neilo chuan artui tal an hmeh a. Inhau leh nupa inmhen te a thiang lova. Inmhen mêk pawh Chapchar Kût ah hian an inhruai leh mhin. Inremna ni, hlimna ni leh induhsakna ni a ni.
A tûk leh chu ‘Zu mhing ni’, Kût miak awm ni’ an ti bawk. An chãi tawhlo nâ a, in hrang hrangah zu an in khawm mhin. Awmni kham niah an la hmang a, hemi zan hian mualah an chãi leh a. An tlaivar tawh lo; chu chu Kût miakna a ni.
Tunah chuan Kristianna êng hnuaiah Chapchar Kût kan lo hmang thei ta a, kan vannei hle a ni. Kristian tak leh Mizo takin Kût ila, Chapchar Kût hmang mhin ten an uar ber mhin INREMNA leh INDUHSAKNA mawlh hi i uar chhunzawm zel ang u.
2018 Chapchar Kut hman dan tlangpui :
March ni 1 leh ni 2 khan Aizawl Lammualah Chapchar Kut 2018 ropui taka hman a ni a. Kuminah hian kut hi ni hnih hman niin a ni khatna tukah Chapchar Kut Run buatsaih a ni a, Aizawl khawpui Branch YMA member 1,100 vel zet Chapchar Kut pualin an tlan a ni.
A ni khatnaah Pu R. Hmingthanzuala, Director, Art & Culture Department chu Kut Thlengtu niin Pu R. _, Art & Culture Minister chu Kut Pa a ni a. Mimal leh pawl hminga Mizo hnam zia hrang hrang tarlan a ni a. Central YMA hmingin Ramhlun South Branch YMA-in Mizo infiamna hmuhnawm taka entirin MHIP General Headquarters chuan Parlam ropui takin an entir bawk.
A ni hnihnaah Pu John Rothuangliana, Tourism Minister chu Kut Thlengtu niin Pu _, Home Minister chu Kut Pa a ni a. Ni hnihnaah hian Chhawnghnawh buatsaih niin mimal leh pawl hrang hrang atangin mit titlai tak tak entir a ni a. Branch YMA 91 atangin Cheraw bu 107 kan a ni a, Khuallam ropui tak entir a ni bawk. He hunah hian Mizo nuna pawimawh tak ni thin, Mi Zawn Inchuh chu Central YMA hmingin Bethlehem Vengthlang Branch YMA-in an entir a, Chanmari Branch YMA-in Costume Parade ropui tak mi 400 vel hmangin an entir bawk. A ni hnihnaah hian hlim takin Lavunga Zai hmangin chai a ni a. House Band, Shai Hills band-ten rimawi hmangin zai thiamte an kaihruai a, kut hmangtu mipuite an hlim hle a ni.
