Mizote Kutpui Chapchar Kut 2024 lawmna puala h & un hman hmasak atan CHapchar Kut Organising Committee chuan Mizoram Upa Pawl (MUP) Branch thlanchhuah 5 (panga) te tan nimin February 23, 2024 khan Culture & Heritage Tour 2024 a buatsaih a, he programme hi vawikhat hmanna a ni.

Chapchar Kut lawmna puala Culture & Heritage Tour 2024 atan hian MUP Branch panga (5) heng - ITI Branch MUP, Zemabawk Branch MUP, Tlangnuam Branch MUP, Mission Vengthlang Branch MUP leh Bungkawn Branch MUP te thlan an ni a, MUP Branch pakhat atangin member 25 zel an tel a ni.

Aizawl leh a chhehvela heritage & culture hmun pawimawh tak tak heng - Mizoram State Museum, Zokhua - Falkawn, Quarter Guard-Assam Rifles, Zokhawsang-Assam Rifles, Lengpui Airport, Sairang Rail Head, Sairang Railway Tunnel (Leiverh), Zoram Medical College (ZMC) leh Lengte ISPAT te fan pui an ni a, MUP Branch hrang hrang atanga kalte an hlimin hlawkthlak an ti hle a, hmun pawimawh hrang hrang an tlawhnaa lo buaipuitu - Art & Culture Dept-a thawk tute, Assam Rifles hotute, Lengpui Airport Authority te, Indian Railway-a hnathawktu te, Zoram Medical College a thawk tute leh Leng ISPAT -a thawk tute chungah Chapchar Kut Organising Committee chuan lawmthu a sawi a, Chapchar Kut 2024 Culture & Heritage Tour hi Art &  Culture Department-a Officer leh Staff ten hruaiin a tul apiang an buaipui a ni.