Vawiin October 7, 2024 chawhnu dar 1:00 PM khan Aijal Club Conference Hall-ah Art & Culture Department buatsaihin Chapchar Kut hman dan chungchanga inrawnkhawmna leh sawihona (Consultation Meeting) neih a ni a, Art & Culture Minister Pu C. Lalsawivunga'n an hman pui.

Pi Florence Zotluangpuii, Secretary, Art & Culture Department chuan kalkhawmte lawmna thu a sawi a. Art & Culture Minister chuan hlawhtling takin, mipui ngaihven tak Chapchar Kut hman a lo nih tawh thin thu sawiin inrawnkhawmna hi Chapchar  Kut lo hman tawh te a a hlawhtling lo ve tihna lam a nih lo va, huamzau zawka hma sawn belh zel theihna a awm em ti a inrawnkhawmna chu buatsaih a nih thu a sawi. Hnam ziarang, culture leh tradition vawn nun kawngah te, hma a sawna a than zelna kawngah te hian mipui hi a tam thei ang ber tel se an duh avanga inrawnkhawmna buatsaih a nih thu a sawi a. Chapchar Kut kan hman danah Hnam kalphung leh ziarang humhim chungin khawvel hmuh tura chhawpchhuah chu rilru ah awm se a duh thu a sawi.

Consultation Meeting ah hian sorkar department thenkhat leh pawl hrang hrang aiawh leh mimal sawm bikte kalkhawm in, Chapchar Kut hman tawh dan leh hman zel dan tur atana Art & Culture Department in a buatsaih zawhna leh chhanna te sawiho in, rawtna hrang hrangte neih a ni a. Pu Vanneihtluanga, Chanmari, Aizawl chu Moderator a ni.