Vawiin May 30, 2025 khan Chief Minister Pu Lalduhoma, Chapchar Kut Organising Chairman ni bawk chuan Chief Minister Conference Hall-ah Chapchar Kut 2025 Post Souvenir "NGHILHLOH BU" a tlangzarh.

Chief Minister hian Souvenir buatsaihtu Editorial Board te hnenah lawmthu a sawi a, lehkhabu chhiar manhla tak, dah that reng tlak a ni, a ti. Pu C. Lalnunkima, Director, I&PR chuan lehkhabu tlangzarh inkhawm hi a kaihruai a, Dr. H. Laldinmawia, Editorial Board member chuan Souvenir chanchin tlangpui a sawi a. Kumin souvenir-ah hi ISBN nei a ni a, thuziak karah a milpui thlalak dah a ni bawk a, Chapchar Kut nia Kut Pa thusawi chu ziak a dah a ni bawk.

Lehkhabu tlangzarh inkhawmah hian Chapchar Kut Organising Committee member te leh Editorial Board te an tel a ni.