Art & Culture Department leh Mizo Cultural Artistes' Association (MCAA)-te tangkawp chuan a duh apiang tel theih turin CHHEIHLAM INTIHSIAK a buatsaih dawn a. A hnuaia mi ang hian intihsiakna atana hriat tur pawimawhte siam a ni.
1. Intihsiak hi kum bithliah (Age group) pahnih (2) ah then a ni ang a, hetiangin:
a) Kum 16 chin hnuailam ( kum 2007 hnu lama piang an ni tur a ni).
b) Kum 17 chin chunglam (Kum 2006 hmalama piang te an ni tur a ni).
2. He intihsiak atan hian hetiang hian lawmman siam a ni.
1) Kum 16 chin hnuailam tan
a) 1st Prize - Rs. 10,000/- + Trophy + Certificate
b) 2nd Prize - Rs. 7,000/- + Trophy + Certificate
c) 3rd Prize - Rs. 5,000/- + Trophy + Certificate
d) Best Dancer (M&F) - Rs. 3,000 + Certificate
e) Consolation Prizes (4th & 5th) - Rs. 2,000/- + Certificate
2) Kum 17 chin chunglam tan
a) 1st Prize - Rs. 30,000/- + Trophy + Certificate
b) 2nd Prize - Rs. 20,000/- + Trophy + Certificate
c) 3rd Prize - Rs. 15,000/- + Trophy + Certificate
d) Best Dancer (M&F) - Rs. 5,000 + Certificate
c) Consolation Prizes (4th & 5th) - Rs. 3,000/- x 2 + Certificate
3) Intihsiak hi Elimination Round leh Final Round a then a ni ang.
4) Elimination round hi lam lai Video thehluh hmanga intihsiak tur a ni ang.
5) Elimination Round atanga thlan chhuah ten Final Round intihsiak an nei leh ang.
6) Final Round hi Vanapa Hall, Aizawl-ah July ni 18, 2023- a neih tur a ni.
7) Intihsiakna a hla hman tur te :
Hla rang :
a) Awithangpa Tlawh Zai
b) Domangi Zai
c) Darmani Zai
Hla muang :
a) Awithangpa Kaihnem
b) Lunglen Zai
c) Darlenglehi Zai
Intihsiakna atana hla hman tur te hi Art & Culture Department YouTube channel atangin a demo a download theih ang. Pendrive a copy duh tan Department office ah office hour chhungin a lak theih bawk ang.
www.youtube.com/watch?v=k3a__rdEZU4
8) Heng hla atang hian elimination round ah hla rang leh hla muang, hla khat (chang 2) ve ve hmanga lam tur a ni ang a, final round-ah erawh chuan hla rang atangin hla khat an thlang ang a, chang thum (3) hmang in leh hla muang hla khat chang hnih (2) hmang te in an intihsiak ang.
9) Chheihlam intihsiak-ah hian hmeichhia leh mipa inkawpa lam tur a ni.
10) Intihsiaka lam tur ten intihsiakna a an hla thlan te hi an sa thiam ngei tur a ni.
11) Intihsiakna a tel tur te chuan elimination round a endik turin an lam lai video siamin hengah te hian an thehlut tur a ni :
Email : mizoramartculture@gmail.com / Telegram : 7005934259
12) Video hi camera pakhat a lak tawp tur a ni a, camera engpawh (Phone camera pawh) hman phal a ni. Landscape (a khamphei) a lak tur a ni a, hmel a lang chiang tur a ni. Edit phal a ni lo.
13) Video a lang turin intihsiaka lam te hian tawiawmtu an duh zat neih phal a ni.
14) Intihsiaka tel ten Zo thuam engpawh an inbel thei ang.
15) Intihsiakna ah hian pawl/ school / veng / khua / club / kawppui te nen chauh pawh a tel theih a ni ang.
16) Elimination round atana video thehluh theih hun hnuhnung (last date ) chu 6th July, 2023 (Ningani) zanlai thleng a ni ang.
17) Elimination Round result chu July ni 11, 2023 zan dar 8:00 P.M. ah Art & Culture Department YouTube Channel atangin Final lut tur puan a ni ang.
18) Finala tling te hian intihsiakna atana hla thlan te atangin an lamna hla an pawt chawp ang.
19) Final intihsiakna ah hian tawiawmtu an duh zat neih phal a ni ang a, hla an thiam ngei tur a ni.
20) Endikna criteria chungchang chu Judge te kutah dah a ni.
21) Final Round hi Department YouTube Channel bakah LPS Vision leh Zonet Cable Network-ah te Live a pekchhuah a ni ang.
