Vawiin August 23, 2023 chawhma dar 9:30 khan Dr. Renu Sharma, IAS, Chief Secretary, Government of Mizoram chuan Mizoram State Archives a tlawh. 

Chief Secretary hian September ni 6 & 7, 2023-a The Heritage Consortium - Patna, HDFC Bank leh Art & Culture Department-te tanghovin Mizoram State Archives Hall-a  an buatsaih tur ‘Workshop on preventive and curative measures of Archival records along with the latest methods of its storage” chungchangah a hmun leh hma turte endikin hmalak dan turte thawktute a kawhhmuh a. Tin, State Archives-a records vawn that mek dinhmun te endikin State Archives-in records an vawnthat mek chu beitham hle-a a hriat thu leh Record pawimawh vawnthat kawngah Mizoram Sorkar hnuaia department hrang hrangte chu tan kan lak a ngai hle-a a hriat thu a sawi. 

Chief Secretary hi Art & Culture Secretary, Pu Lalthansanga, Director, Pi Carol VLMS Dawngkimi leh Pu K Lalruala, Deputy Director ten an tawiawm a. Pu Lalmuanpuia, Archivist-in a lo dawngsawng a ni. Dr. Renu Sharma, IAS hi Chief Secretary Mizoramin kan neih tawh zawng zawng zing a, Mizoram State Archives tlawh hmasa ber a ni.