Vawiin March 31, 2026 (Thawhlehni) chawhma dar 11:00 A.M. khan Pu Khilli Ram Meena, Chief Secretary chuan Art & Culture Department hnuaia awm Mizoram State Archives, PWD Tlang, Zarkawt a tlawh a. Chief Secretary hian Mizoram State Archives-a Document vawn thatna hmun pui ‘Repository’ tlawhin heng an Document vawn that te hi a en a, Digitization Project kal mek leh an thlen chin te en in hmasawnna tur hrang hrang te sawi ho a ni bawk. 

Digitization kal pui dan chu thawk tuten a takin an lo entir a, hmasawnna hnathawh kal mek leh harsatna hrang hrangte Chief Secretary hnenah hian thawk tuten an lo thlen a. Chief Secretary chuan Mizoram State Archives chu tih hmasawn zel a tul thu leh ram danga Archives te el pha tura thuam that zel a nih tur thu a sawi. Hriat theih chinah hei hi Chief Secretary in Mizoram State Archives a tlawh vawi khatna a ni a, thawk tute an lawm hle.

Chief Secretary hi Pi Carol V.L.M.S. Dawngkimi, Director, Art & Culture Department leh Mizoram State Archives-a thawk tuten an lo tawiawm a ni.