North East Zone Cultural Centre, Ministry of Culture, Government of India leh Art & Culture Department, Mizoram buatsaih "Craft Exhibtion, Costume Show & Ethnic Cuisine - chu vawiin October 15, 2019 khan Vanapa Hall-ah Pu R. Hmingthanzuala, Director, Art & Culture Department chuan a hawng. Ni thum awh tur he Exhibtion-ah hian Mizo Kutchhuak chi hrang hrang - Khuang, Chem, Mau leh Changel hnan hmanga Dispo Thleng leh no siam, Sum leh suk, Hnangtah hmanga siam Bag, Walking Stick, Aluminium hmanga bel siam, Sahbawn te leh a dangte bakah Mizo eisiam chi hrang hrang pholan-a zawrh a ni.

He Craft Exhibtion, Costume Show & Ethnic Cuisine - hi naktuk October 16 leh naktip October 17, 2019 hian zing dar 10:00 AM atanga tlai lam dar 4:00 PM thleng neih chhunzawm a ni dawn a. Mizote thiam thil hmanga siam hmanrua leh bungrua chi hrang bakah Mizo ei siam te pholanna rawn tlawh a, rawn dawr turin Art & Culture Department chuan mi zawng zawng a sawm a ni. October 17, 2019 - Ningani chawhnu dar 1:30 PM hian Vanapa Hall-ah Mizoram chhunga cheng hnam hrang hrangte incheina hmangin Costume Show buatsaih a ni dawn bawk a ni.