Vawiin November 12, 2025 khan Mizoram State Library - Digital E-Library chu UD&PA Secretary, Pu Lalmalsawma Pachuau chuan Mizoram State Library-ah a tlangzarh.

E-Library tlangzarhna inkhawm tawi hi Pi Carol V.L.M.S Dawngkimi, Director, Art & Culture Dept. chuan a kaihruai a, Pu Lalmalsawma Pachuau, Secy, UD&PA chuan tlangzarhna thu a sawi a.  Pu V. Lalruatliana, Dy CEO, ASCL chuan Technical Report a pe a, Pu C.C. Lalchuangkima, CEO, ASCL chuan lawmthu sawina hun a hmang a, tin, LAILEN Pvt. Lmt. atangin E-LIbrary hman dan ngaihthlak a ni bawk.

Mizoram State Library,  E-Library hi Aizawl Smart City Ltd. hnuaia project niin Lailen Consulting Pvt. Ltd. te duan a ni a. Tun dinhmunah chuan membership hi a free in thla 3 chhung kalpui a ni ang a. Thla 3 hnuah membership fee lak a ni tawh ang. Lehkhabu 236 te hi E Library link a lutin a thlawnin a chhiar theih nghal a, lehkhabu te hi dah luh belh zel tur a ruahman a ni.

A hnuaia link tarlan atang hian E-Library a signup theih e.

https://www.estatelibrarymiz.in/login