Vawiin June 15, 2023 khan ram puma YMA day vawi 88-na  lawmnaah Art & Culture Department Director Pi Carol VLMS Dawngkimi chuan Khuallian niin Khawbel Branch YMA-a YMA Day lawmna a hmanpui.

Khawbel Branch YMA-in YMA Day an lawmnaah hian Khuallian Pi Carol VLMS Dawngkimi chuan thusawiin, 'YMA Member-te chu aia upa zah tur leh zonun zemawi chawi nung zel turin a chah a. Hriatna tih pung hi mihring hmasawnna thlentu a nih avangin YMA Member-te chu Lehkhabu chhiar tam tur leh YMA branch library te, state library te hmang tangkai turin a fuih a, Kan hnam ro thil vawnna Tribal Research Institute, State Archive leh State Museum-te rawn tlawh fo turin a sawm a, Art & Cukture Department-in 3  months course zirna kan neih hnam lam leh music zirna te rawn hmang tangkai a, rawn training ve turin a sawm nghal bawk a, Khawbel Branch YMA hnenah YMA day lawmpuina a hlan a ni.

Khawbel Branch YMA hian kumin YMA Day thupui-ah 'Aia UPa Zah' tih chu an hmang a, hnam lam hmuhnawm tak takte entir a niin zaithiam ten YMA Day hmang tute an awi reng bawk a, tin, zirlai ti tha te leh infiamna lama hming tha te chawimawina hun an hmang bawk a ni.