Vawiin October 24, 2023 khan Naga Student Union Mizoram (NSUM) chuan Chanmari YMA hall-ah Freshers' Meet cum Cultural Day an hmang a. Pi Carol Dawngkimi, Director, Art & Culture Department chuan Special Guest niin a hmanpui.
Mizoram chhung zirna in hrang hranga Naga hnam zirlai awm tepual hian NSUM hian programme an buatsaih thin a. Kuminah pawh hian inhmelhriat tawnna te, infuihtharna te leh inpumkhatna tha an neih theihna tur te in hun an hmang a, kumin chhunga Naga zirlai rawn awm tharte lo lawm na hun hmangin Naga hnam lam leh zai te entirin hun an hmang a ni.
Special Guest Pi Carol VLMS Dawngkimi chuan thusawiin, NSUM in Naga zirlaite puala hun an hmang leh programme tha tak an buatsaih chu lawmawm a tih thu a sawi a. Hnam ziarang vawn nun zel kawngah te leh midangte hmuha phochhuah kawngah te Naga te chu entawn tlak an nih thu sawiin in unauna thlen tu leh inpumkhatna thlen tu ni chunga an zirlaite ram leh hnam tana hmang chhuak thei tura theihtawp chhuah turin a fuih a ni.
NSUM Freshers' Meet cum Cultural Day-ah hian thupui atan Striving towards Greater Unity with Cultural Integrity tih chu hman a ni a, chawhnu lamah Cultural programme bakah intihhlimna leh infiamna hun te an hmang a ni.
 |  |  |
 |  |  |
 |  |  |
 |  |  |
 |  |  |
 |  |  |
 |  |  |
 | | |
 |
