Vawiin May 26, 2026 (Nilaini) hian Pu C. Lalsawivunga, Hon’ble Mnister, Art & Culture Department chuan a pisa ah, Art & Culture Department in North Eastern Council, Shillong atanga fund a dawn hmanga Department of History, Higher and Technical Institute, Mizoram (HATIM) nen tangkawpa Dungtlang, Champhai district khaw bul a hmunhlui May, 2024 atanga zirchianna leh archaeological excavation an neihna atanga carbon sample an lak chhuah, Beta Analytic, Florida, USA in a test chu a result puanna hun a nei a ni. 

He project buaipuitute hi archaeologist pahnih Pu Vanlalhuma Singson (Art & Culture Dept.) leh Dr. Lalhminghlua, Asst. Prof. (Dept. of History, HATIM) te an ni a, an zirchianna atanga a lan danin tum li(4) lai Dungtlang hmun hluiah mihring an lo cheng tawh tih a hriat theih a ni. 

An lo awm tawhna kumte chu 410-1830 A.D. inkar an ni. Heng kumte hi Carbon dating hmanga chhut chhuah an ni. Hemi piah lamah Tianhrang thlan atangin ruhro pawh laihchhuah a lo ni tawh a. Beta Analytic, Florida, USA atang thovin kum 1740-1800AD hunlai a mi a ni tih lo nemngheh a ni tawh bawk. 

Dungtlang hmunhlui hi kum inchhangbung zatin an luah lo tih a hriat theih a, luah loh kum kar awl pawh kum engemawchen a awm a ni. Testing dang kalpui mek niin, chanchin kimchang zawk hriat theih beisei a ni. 

Mipuite hnenah pawh kan hnam rohlu leh hmunhluite, Art & Culture Department lamah report nachang hre tur leh, tichhe lo leh venghim turin   Mizoram mipuite a sawm a nghal bawk a ni. Minister hi Art & Culture Department leh Dungtlang atangin an tawiawm a ni.