Vawiin June 16, 2023 hian English Congregation School, Mission Veng chuan Culture Awareness Program an neih a, Pu Lalchuailova, Dy. Director, Art & Culture Department chuan Khuallian he hun hi a hman pui a. Khuallian hian Mizo Culture pawimawhna chi hrang hrang a sawi zingah Mizo Culture a pawimawh ber pakhat chu Tlawmngaihna a nih thu a sawii a, mahni hmasial lo, duham lo kan ni tur a ni, a ti. Thlanlaih, mitthi lu men, mitthi buhfai khawn te leh khuarel chhiatna kan tawh changin Mizo Tlawmngaihna kan lantir thin a pawimawh thu a sawi bawk a. Rinawmna leh Mizo Culture a in zawm tlat thu a sawi bawkin taima tak leh rinawm taka lehkha zir turin a fuih nghal a ni.

IMFA atangin Pi KC Runremsangi (Padma Shri)  leh Pu Zothanmawia ten zai leh rimawi hmangin sikul naupang kalkhawm thiam takin an awi a ni.