Vawiin March 24, 2023 khan Multipurpose Hall, Vairengte-ah ni hnih chhung awh Folk Dance Festival chu hlawhtling taka neih zawh a ni. Folk Dance Festival hi NEZCC, Dimapur, Ministry of Culture, Govt. of India leh Art & Culture Department, Mizoram tangkawpin an buatsaih a ni.

Folk Dance Festival hi Government Middle School-II kawt, Vairengte-ah neih tura ruahman a ni a, programme tan dawnah ruahsurin a tihbuai tak avangin chawpchilh takin Murtipurpose Hall, Vairengte-ah a hmun sawn nghal a ni. Folk Dance Festival ni khatna hi March 23, 2023 dar 11:00 AM khan tan a ni a, Pu Hmangaihzuala, Treasurer, Serlui Group YMA-in a kaihruai a, Shri Neng Thianlala, M.C.S, SDO(C), Vairengte chu Khuallian a ni. Pu F. Lalthanmawia, SRO & Programme Coordinator chuan report pe-in lawmthu sawina hun a hmang a. Vairengte khua atangin - Hall Veng Branch YMA, Hmar Veng Branch YMA, Zalen Veng Branch YMA, Bangla Veng Branch YMA leh Field Veng Branch YMA -te atangin hnam lam hmuhnawm tak entir a ni.

Folk Dance Festival ni hnihna hi March 24, 2023 dar 11:00 AM khan tan a ni a, Pu Zalawta, President, Joint YMA, Vairengte-in a kaihruai a, Pu Z. Lalremliana, President, Serlui Group YMA chu Khuallian a ni. Pu F. Lalthanmawia, SRO & Programme Coordinator chuan report pe-in lawmthu sawina hun a hmang a. Vairengte khua atangin - Kawngthar Veng Branch YMA, State Veng Branch YMA, Chhim Veng Branch YMA, LOC Veng Branch YMA leh Venglai Branch YMA -te atangin hnam lam hmuhnawm tak entir a ni.

Folk Dance Festival-ah hian Vairengte khaw chhung atangin Branch YMA 10-ten Mizo hnam lam hmunnawm tak an entir thei vek a, mipuiin an hlut hle a ni.