vAWIIN August 3t, 2024 chawhma dar 11 khan India ram zalenna champha vawi 78-na lawmna pakhat atana Art & Culture Department buatsaih Har Ghar Tiranga Concert chu Vanapa Hall-ah neih a ni a, Pi Florence Zotluangpuii, Secretary,  Art & Culture Dept. chuan a hmanpui a, Art & Culture Department Officer leh Staff te bakah zirlai thahnem takin he hun hi chhimin zaithiam hrang hrangte nen zalen leh hlawkthlak taka hun hman a ni.

Pi Florence Zotluangpuii, MCS, Secretary, Art & Culture Department in Introductory speech sawiin naupangte thu tha tak tak a fuih a, kan hnam puanzar pawimawh zia leh zahawm zia te sawiin Har Ghar Tiranga in a thil tum te sawiin hun a hawng a ni. School pathum te sawmin, St. Pauls High School (naupang leh zirtirtu 235), Govt. Mizo High School (naupang leh zirtirtu 183) leh Neuhof English School (naupang leh zirtirtu 86) te nen hun hlimawm tak hman a ni a. Tiranga Concert ah hian mizo celebrity Lilac, Young Fella leh Mary Dawngi te zaiin mipui an awi a, school naupang te an phurin nuam an ti hle a ni.

Pi Florence Zotluangpuii chuan thu sawiin, Har Ghar Tiranga chu India ram hun hlui thlir let na atana awmze thui tak nei a nih dante tar langin Hnam Puanzara rawng hrang hrang awmzia leh an entir theuh te a sawi fiah nghal a. Hei bakah hian he hun hman a nih chhan chu zalenna sualtute hniak hnung kan zui zel theih nan te, ram leh hnam chawisanna a nih dan bakah, hmasawnna leh hun harsa kan lo paltlang tawh dante entirna a ni, a ti a. 'Har Ghar Tiranga' chu inpumkhatna, 'Unity in Diversity' lantirna pawimawh tak a nih dante a sawi bawk a ni. 

Hemi zawh hian, IMFA Music Wing (Art & Culture Dept. hnuaia music zirlai) te chuan National Song 'Van de ma Taram' an rem bakah Lalbiakhlui Pachuau in Mizo Folk Song a sa  bawk a. Hei bakah hian IMFA-a Music zirlai atanga Music Band pali (4) leh IMFA Band lten zaiin mipui an awi a, Youngfella leh Liliac ten  kal khawmte chu zaiin an awi bawk. Pi Carol V.L.M.S. Dawngkimi, Director, Art & Culture Dept. chuan lawmthu sawiin hun hman hi a khar a, hun chep tak karah School Education Department in phal takin school naupang te Har Ghar Tiranga Campaign ah tel an phalsak avangin lawmthu a sawi a, hemi bakah hian School Principal te pawhin an school naupang te phal takin an rawn kal tir avangin lawmthu a sawi a. Har Ghar Tiranga campaign tha taka kan hman ho theih avangin lawmthu a sawi bawk a ni.

"Har Ghar Tiranga" Concert hi thalaite thinlunga India ram zalennna hlutzia intuh thar nana buatsaih a ni.;


Pi Florence Zotluangpuii, Secretary,  Art & Culture Dept.

SECRETARY INTRODUCTORY SPEECH

Tiranga Concert rawn chhim tu zawng zawng te Art & Culture Department hmingin chibai ka buk vek a che u.

 ‘In tina hnam puanzar zar’ (Har Ghar Tiranga) campaign-na chikhat atan Sawrkar laipui in, State leh Union territory zawng zawng te min beisei ang in; keini Art & Culture Department pawhin he hun hi uar takin kan hmang mek a ni. Khawchhe hnuaiah, nimin August ni 12 khan Aizawl khawpui chhungah Hnam puanzar kawngzawh ‘Tiranga Yatra’ chu Education department te nen hlawhtling taka neih niin Zalenna Thutiam (Tiranga Pledge) pawh zirlai thahnem takin Aizawl Bawrhsap kaihhruaina hnuaiah an la bawk a ni. 

Khawpui chhung hmun hrang hrangah, Tiranga Canvas te pho chhuah a ni a, hengah hian kan zavaiin ‘Har Ghar Tiranga’ emaw ‘Jaih Hind’ tih emaw kan ziak vek bawk dawn nia.

Hemi bakah hian District Headquarters ah te Tiranga Yatra hi nimin leh vawiin ah te Deputy Commissioners te kaihhruaina hnuaiah neih a ni a. ‘Har Ghar Tiranga’ hi Azadi ka Amrit Mahotsav hnuaia tlangzarh a ni a, vawiin ni hian thil lawm satliah tura kal khawm mai kan ni lova, flag zar tur tihna mai nilovin, Indian anga kan nihna te, India ram in zin kawng a lo zawh tawh te leh kan hnam kan chhuan zia entir nate a ni.

Tiranga hi kan hnam in hun pawimawh hrang hrang a lo kalpelh tawh entirna tha tak a ni a, kan hnam puanzar a rawng hrang hrang te hian entirna pawimawh tak tak a nei a,  Serthlum (saffron) rawng  hian Huaisenna leh Inhlanna a entir a, a rawng var (white) hian Remna leh Dikna a entir a, rawng Hring (green) hian Rinawmna leh hmasawnna a entir a ni. Ashoka Chakra a 24 spoke awm hian kan ram leh khawtlang a dan leh dikna in ro a rel zel tih a entir bawk a ni.

Har Ghar Tiranga  a kan tel ve hian, kan zalenna sualtute leh nunna hlantute zahna lan tir mai ni lovin, an nun hlu tak hlan tute tum leh rilru put hmang te kan la chhawmnung zel a ni tih a lantir a ni. Kan hnam puanzar kan zar hian In zawng zawng te kan ram hmangaihna ah kan in pum khat tih a ti lang bawk a ni.

Hnam puanzar kan zar hian, India, kan ram hi kan chawisang tihna a ni. Kan hnam hmasawnna te leh hun harsa kan lo paltlang tawh te entirna a ni tel bawk a ni. Hemi bakah hian ram ropui, mi tin leh hnam tin te lenna (Unity in Diversity) te, mitin te tana intodelh theihna  ram kan din theih a ni tih min hriatchhuah tir tu pawimawh tak a ni.

He hun hi ropui takin hmang ila, kan hnam puanzar hi chawisang ila, flag chauh nilovin inpumkhatna entir tu anih zia hre thar ila, kan ram tana kan thawh hona kawng ah te, hmasawnna kawngah te, kan ram danpui (constitution) chawisanna ah te leh kan rama dikna, zalenna, intluktlanna te hi a taka mitin tana a awm theih zel nan  Har Ghar Tiranga hi I hmang  theuh ang u.

 India ram ropui leh Mizo hnam dam reng rawh se. Ka lawm e.

Jai Hind.