Ni 13.12.2018 chawhma dar 10:30 khan Hmuifang tlang Group YMA Cultural meet chu Sialsuk Tlang ah neih a ni a, Pu Sangdingliana, IAS Secy Art & Culture Deptt. chu khuallian niin, Pu R. Hmingthanzuala, Director Art & Culture chu khualzahawm a ni.
Cultural meet ni khatna hi Pu Michael Lalrinmawia, President, Group YMA chuan a kaihruai a, Khuallian Pu Sangdingliana, IAS Secy Art & Culture Deptt. chuan thusawiin, "Kan hnam nun chawisang zel ila, Hmuifang Group YMA huamchhungah hian kan ram ti hmingthang theitu hmun hlu tak tak a awm a, Mizona nen a humhalha, tihlar thiam a tul a ni" a ti. Khualzahawm Pu R. Hmingthanzuala pawhin thu sawiin, "Mizoten kan chhuan ber tur Pathianin Mizova min siamna leh he Culture leh Tradition, tuman an neih ve loh hi a ni a, vawng nung a ti lar in, humhal zel ang u" tiin YMA kalkhawmte a fuih bawk a ni. He hun ah hian Group YMA hnuai a Branch hrang hrang ten hnam lam hrang hrangte hmuhnawm takin an entir a, Zaithiam ten kalkhawm te zaiin an awi bawk a ni.
He proramme hi Art &Culture Department leh Hmuifang tlang Group YMA ten an buatsaih a ni a. Ni 14.12.2018 chawhma dar 10:30 ah he Cultural Meet hi Sialsuk Tlang ah chhunzawm leh a ni.
