India Independence Day Champha vawi-75-na lawmna Azadi Ka Amrit Mahotsav(AKA M) puala nikum 13th - 15th August, 2022 chhunga Har Ghar Tiranga Campaign hlawhtling taka neih chu kumin Independence Day vawi 76-na champha lawmna pualin kalpui a ni leh dawn. Ni 13th - 15th August, 2023 chhung hian ram leh hnam tan thahnemngaihna rilru pu chunga phur taka mahni chenna inah Hnam Puanzar zar chhuak theuh turin mitinte ngen kan ni.

Nodal Department - Art & Culture Department chuan Hnam Puanzar 1,10,000 a chah a, hengte hi August ni 6 khan engemaw zat lo thleng in, MIzoram chhunga District hrang hrangah DC Office kaltlangin sem chhuah a ni tawh a. Flag pakhat hi Rs. 20/- zel a lei tur a ni a. District tina a hralhna hmun tur hi Deputy Commissioner ten ruahmanna an siam ang. Aizawl khawpui bika hralhna hmun tur erawh chu a hnuaia tarlan ang hian Art & Culture Department in ruahmanna a siam - .

In tinah Hnam Puanzar zar beihpui Har Ghar Tiranga tan National Flag lei theihna hmun te

Independence Day 2023 lawmna puala Har Ghar Tiranga beihpui neih mekah August ni 13-15 chhung in tinin India Hnam Puanzar kan zar theih nan a hnuaia tarlan Aizawl khawpui hmun hrang hrang ah Art & Culture Department ruahmanna in Hnam Puanzar a lei theih a. Flag pakhat cheng 20 zelah hralhchhuah tur a ni.

1. State Library, MINECO

2. Vanapa Hall

3. Aizawl D.C. Office

4. Directorate of Art & Culture

5. Mizoram State Archives, Babutlang

6. Mizoram State Museum, Zarkawt

7. Aizawl Municipal Corporation, Thuampui

8. LEO PLUS, D - 67, 3rd Floor, Millennium Centre, Aizawl

9. Secretariat Multi Level Parking, MINECO

10. District Library, Sikulpuikawn, Republic Road

11. E.L. Drug Store, Maubawk Kawn

12. Sunrise Hardware Store, Ramhlun North, Industry Peng

Flag tar te hi August ni 15, 2023 hnu lamah tha tak leh mawihnai takin la thla leh vek turin mipuite ngen kan ni bawk.