Vwiin August 14, 2023 khan Art & Culture Department chuan India Independence Vawi 75-na lawmna kal zelah Azadi Ka Amrit Mahotsav (AKAM) puala Independence Day Concert  cum Institute of Music & Fine Arts (IMFA) Graduation Day chu vanapa Hall-ah hman a ni a, IMFA hnuaia 3 (Three) Months Certificate Course on Traditional Dance, Modern Music, Folk Music & Drama Batch 67-na pual in IMFA Graduation Day hi hman a ni.

IMFA Graduation Day programme hi chawhma dar 10:30 khan neih tan a ni a, Pu Lalchuailova, Deputy Director, Art & Culture Department chuan Introductory Speech neiin bul a tan a. IMFA zirlai 67 Batch te atangin Mizo hnamlam leh Lemchan-te entir a ni a; tin, zai mawi tak tak te ngaihthlak a ni bawk. 

Pu Laltlanthanga Pachuau, Senior Instructor, IMFA chuan thusawiin, IMFA-a zirlaite hian Rimawi leh Hnamlam te mai bakah MIzo Customary Law te, MIzo nun dan mawi leh tha te, eizawnna tlaka an zirlai an hman chhunzawm theihna tura pawimawh hrang hrang te nen an zirtir thin thu a sawi.  IMFA Student 67 Batch zirlaite aiawhin Music Zirlai Brenda Zorempuii leh Hnamlam zirlai Maria Lalrammawii ten thu an sawi bawk a, Music, Mizo hnamlam leh Drama te mai bakah Mizo nundan mawi leh tha an zir nasat thu an sawi a ni. Pu Gen Khan Do, Joint Director, Art & Culture Department chuan lawmthu sawina hun a hmang a ni. 

Institute Of Music & Fine Arts din tur hian kum 1980  chho atanga  hmalak a ni a, kum 1982 khan Tribal Research Institute hnuaia sawrkhar hma lakna pangngai anga din ṭan a ni a, a bul tan tirha faculty awm te chu -  Pu Joseph Zokunga, Pu Zorampela, Pu Saithantluanga Sailo, Pun Laltlanthanga, Pu F. Hrangmuana, Pu H. Kaibuaia, Pu Lalthanzama Sailo, Pu Lalbiakmawia leh Pu TK-a te an ni.

IMFA-ah hian Senior Instructor hnuaiah Wing 3 - Mizo Culture & Dance  wing, Drama Wing leh Modern Music Wing te awm in hengah te hian Chapchar Kut zawh thla-ah heng Wing hrang hrangah te hian zirlai tan a ni thin. Tunah hian Batch 67-na neih zawh mek a ni. He Institute aṭang hian mi sang chuang fe in an zir chhuak tawh a; India ram State hrang hrangah te Mizo hnam Lam leh zai te kum tinin vawi eng emaw zah pho chhuah a ni tawh a, Foreign ram thlengin Mizo hnam Culture an lo pho chhuak  tawh bawk a, Mizoram khaw tinah Mizo hnam lam leh zai rual khai tak a kan hman theihna turin theihtawpin hma an la thin a, an zir lai mai bakah hian Mizo Society-ah kan tradition a tha zawng chhawm nun zel te, Mizo hnam inpumkhatna lam te uar takin an zirtir thin a ni. Rimawi lama awmze neia thiamna leh hmasawnna hi he IMFA-a Modern Music wing hma lakna a ni a, thalai mi sang chuang fe-in music hi an lo zirchhuak tawh bawk a ni. Drama lamah hian nasa tak a hma lak a ni a, New Delhi (National Institute of Drama )atangin zirtirtu te an lo kal thin a, IMFA kal tlangin ṭhalaite zirtirna pek an ni thin. Tin, State hrang hrangah te Drama entir in an lo feh chhuak chamchi tawk ṭhin  bawk.