Vawiin May 4, 2023 chawhnu dar 3:30 khan Art & Culture Dance Hall-ah IMFA Refresher Course Training chu a kharna inkhawm neih a ni. Pu Gen Khan Do, Joint Director chuan he hun hi a kaihruai a, chairman hian thusawiin, 'hmun khat atanga kan hnam lam te kan zirtir thin hi a tha a, hei hian tih dan in ang thlap (uniformity) tha tak a awm tir thin a ni", a ti. IMFA Dance Instructor aiawhin Padma Shri KC Runremsangi'n thu a sawi a, tin, Trainess-te aiawhin Pi V. Lalrempuii leh Pi R. Lallianzuali ten thu a sawi bawk.

Pi Carol VLMS Dawngkimi, Director, Art & Culture Department chuan Refresher Course-a tel te hnenah Certificate hlan-in thu a sawi nghal a, Director chuan, 'Art & Culture Department chuan kan hnam lam te hi lam dan dik taka kalpui a nih theihnan hma kan la thin a, ram aiawha chhuak thin te pawhin lam dan dik an entir zel theihnan theihtawp an chhuah thin thu a sawi a, Art & Culture Department-in a hriatpui kher loh a Cultural Programme leh Programme danga kal thin te pawhin Mizo hnam lam dan dik tak hi uar taka kalpui zel turin a chah nghal a ni. Pu K. Lalruala, Dy Director, Art & Culture Department chuan lawmthu sawina hun a hmang a, Refresher Course-a tel ten Khuallam an entir bawk a ni.  He refresher course-ah hian  IMFA atanga lam zir chhuak tawh  mi 20 thlang chhuak in, Mizo lam kan neih tawh te vawn him leh inkhairual zawka kal pui a nih theih nana ruahman a ni.