Vawiin (June 6, 2023) hian Art & Culture Department Director office chamber-ah INTACH Mizoram Chapter office thar tur inhlanna lehkha (Agreement Letter) chu Art & Culture Department Director Pi Carol VLMS Dawngkimi leh INTACH Mizoram Chapter Co-Convener Prof. J. V. Hluna ten hming ziakin an nemnghet a. Agreement Letter copy hi Art & Culture Director hian INTACH Mizoram Chapter hnenah hian a hlan nghal a ni.
Art & Culture Department hian INTACH Mizoram Chapter office thar tur atan hian an department building zinga mi, McDonald Hill-a Mizoram State Museum luah lai pindan pakhat chu kum engemawti chhung atan an hman hawh tir dawn a. Art & Culture Department hotute leh INTACH Mizoram Chapter hruaituten INTACH office thar tur hi a hmunah tlawhin an en ho nghal a ni.
INTACH Mizoram Chapter office tur inhlanna hunah hian Art & Culture Department Director Pi Carol VLMS Dawngkimi, Joint Director Pu Gen Khan Do, Deputy Director Pu K. Lalruala leh Archeologist Pu Vanlalhuma Singson te an tel a. INTACH Mizoram Chapter atangin Co-Convener Prof. J. V. Hluna hovin Member Secretary Pu Lalramthanga, IFS (Retd.), Treasurer Dr. Lalbiakmawia Ngente leh Joint Secretary Pu Rochamliana te an tel a ni.
