Vawiin May 16, 2025 khan International Museum Day - 2025 chu tluang takin Mizoram State Museum, Art & Culture Department-ah hman a ni.  International   Council of Museums (ICOM) kum 1946 a din chuan  kumin International Museum Day thupui atan “ the future of museums in rapidly changing communities ”  a rawn hmang a ni. 

International Museum Day hi kumtin May ni 18 apianga hman thin a ni a, amaherawhchu kumin hian Pathianni ( Sunday ) ah May ni 18 a tlak avangin May ni 16 ah hman a ni ta zawk a ni. Mizoram State Museum , Art & Culture Department pawn International Day hi kumtin a lawm thin a kum khat chhung atan a department programme duan lawkah pawh telh ziah a ni. International Museum Day – 2025 ah hian Museum lo tlawhtu school naupang  790 leh puitling  80,  an zavaiin  mi  870  an awm.  All India Radio (AIR) leh chanchinbu lam news correspondent te pawn he ni pawimawh tak hi a hmunah kalin an hmanpui.

Mizoram State Musuem ah hian Gallery paruk (6) showcase za (100) Museum Object display 732 bakah reserve collection ah object 3218 dah that a ni a , a za vaiin object 3950 vawn that mek a ni.