Vawiin May 18^th , 2026 hian International Museum Day - 2026 chu tluang takin Mizoram State Museum, Art & Culture Department-ah hman a ni.  International Council of Museums (ICOM) kum 1946 a din chuan  kumin International Museum Day thupui atan “Museums uniting a divided world”  a rawn hmang a ni. 

Kumin International Museum Day kan hman hi Mizoram State Museum Art & Culture Department tan chuan ni pawimawh leh chhinchhiah reng tawh tur a ni a. August 2026 hian MINECO Khatla lam a Museum building thar ah kan in suan luh tawh dawn avangin tuna museum building (Old building) ah hian International Museum Day hnuhnung ber kan lo hmang ta reng mai a, Kum 33 zet chu tuna Mac Donald Hill Zarkawt hmunah hian kan awm ve ta a ni.

Kumin IMD a kan  special invitee te chu Aizawl area chhunga Special school hrang hrang Rephidim Chaltlang , Gilead Special school Bawngkawn Brigate, Ephatha special school for the deft & hard of hearing College veng , Bethsaida special school Durtlang North, Shining star special school Republic te an ni, kan sawmbik naupang ten nuam an tiin hlawkthlak an ti hle.

International Museum Day hi kumtin May ni 18 apianga hman thin a ni a. Mizoram State Museum , Art & Culture Department pawn International Day hi kumtin a lawm thin a kum khat chhung  atana department programme duan lawk ah pawh telh ziah a ni. International Museum Day – 2026 ah hian Museum lo tlawhtu school naupang  411 leh puitling  324,  an zavaiin  mi  735 an awm.  All India Radio (AIR),DDK leh chanchinbu lam news correspondent te pawn he ni pawimawh tak hi a hmunah kalin an hmanpui.

Mizoram State Musuem ah hian Gallery paruk (6) showcase za (100) Museum Object display 789 bakah reserve collection ah 4290 object dah that a ni a , a za vaiin object 5079 vawn that mek a ni