Vawiin May 18, 2023 hi International Museum Day a ni a, Mizoram State Museum, Art & Culture Department chuan he ni pual hian Mizoram State Museum leh District Museum, Lunglei-te chu mipui tan en man awm lovin a hawng. Mizoram State Museum, Aizawl-ah chuan International Museum Day hman pui tur hian a bikin School pathum (3) an sawm a ni. International Council of Museums (ICOM) buatsaihin International Museum Day 2023 hi khawvel pumhuapa hman a ni a, kumin atana thupui chu "“Museums, Sustainability, and Well-being,” a ni. 

International Museum Day pual hian Ministry of Culture, Government of India buatsaihin Pragati Maidan, New Delhi-ah ni 18th - 20th May, 2023 chhung awh tur International Museum Expo 2023 neih a ni a. Ni thum awh tur International Museum Expo hi Azadi Ka Amrit Mahotsav thawh hnihna (second phase) atana Museums Division of the Ministry of Culture te huaihawt niin Mizoram State Museum, Art & Culture Department pawh International Museum Expo-ah hian a tel ve a, Mizoram tana Exhibtion Stall hran siam niin Museum Objects thenkhatte leh Mizo Puan (GI) te an pho chhuak a. Mizoram State Museum atangin Pu C. Lalrinkima, Photographer leh Pu C. Lalzamlova Tlau, Museum Guide te an kal a ni.

International Museum Expo hi Prime Minister Narendra Modi chuan vawiin May 18, 2023 hian  hawngin Exhibition Stall hrang hrangte a tlawh nghal a, Mizoram State Museum Exhibition Stall pawh a rawn tlawh. North East India atangin Mizoram leh Assam te International Museum Expo-ah hian an tel thei a ni.