Science City, Kolkata -a  ni hnih (18th - 19th May, 2024 ) chhung awh International Museum Expo 2024 chu vawin khan neih zawh a ni a. Shri Govind Mohan, IAS, Secretary, Ministry of Culture, GOI chuan khuallian niin Expo 2024 hi a hman pui a, Mizoram State Museum, Art & Culture Department chu Internal Museum Expo - 2024 ah hian an tel a ni. 

Nikum lam khan New Delhi-ah International Museum Expo vawikhatna hlawhtling taka neih a lo ni tawh a, kumin hian Science City, Kolkata chu thlengtu niin Expo hlawhtling taka hman leh a ni a, Mizoram State Museum Art & Culture department  pawh  sawm an nihna in an tel ve leh a. Stall te siamin Museum objects pho chhuah a ni a,  Pu C. Lalruatfela, Museum  Curator leh Pu C Lalrinkima, Photographer Mizoram state Museum te Department aiawhin an kal a ni. 

International Museum Expo 2024 ah hian stall 43 siam niin Museum hrang hrang stall bakah business stall tam tak siam a ni bawk. Heng stall zingah hian International Council of Museums (ICOM) te, Indian Museum te, Asiatic Society of India te leh Museum Association of India te pawhin stall siamin hun an rawn hmang bawk. Nakumah Gandhi Nagar, Gujarat lamah neih leh theih an in beisei.