Mrs. T. Ajungla Jamir, Consul General of India, Milan Italy leh  Mr. Vikram Rai Medhi, CEO of North East Institute of Fashion Technology (NEIFT) te buatsaih 'NORTH EAST INDIA FESTIVAL, MILAN' Italy - a neih ah, September 9, 2023 dar 7:30 pm khan Villa Necchi Campiglio hmunah Mizoram Art & Culture Department troupe te chuan kan hnam lam : Cheraw, Khuallam, Solakia  leh Chheihlam te chu mawi takin fashion show karah hnam lam te an entir a, Art & Culture Department troupe te hi Pi Carol VLMS Dawngkimi, Director leh Pu Vanlahuma Singson, Troupe leader ten an hruai a, Milan, Italy a kal te hi an vaiin mi 9 an ni.

Mizoram aṭang hian Escape Engmawia (Fashion Designer) kal ve bawkin ani hian a thawmhnaw design te Italian model te hmangin a pholang ve bawk. 

Ni 11, Sep.2023 (Thawhṭanni) khan Gala Dinner in the Jewellery Exhibition, Vicenza, Italy a neihah Khuallam, Cheraw, Solakia leh Chheih lam te hlawhtling takin entir a ni leh a, Kalkhawmte ngaihhlut leh lawm an hlawh hle bawk. 

Milan, Italy a an zin theih nana hmalatu leh senso tumsaktu hi ICCR, Ministry of External Affairs, Govt. of India leh Mizoram Chief Minister zahawmtak Pu Zoramthanga'n phal taka Mizoram sorkar in a tum ve ngaih na ah phal takin kan mamawh te min ngaihtuah sak a, a chungah kan lawm hle ani

Mizoram Art & Culture Department hnuaia Senhri Folk & Cultural Troupe, Art & Culture Dept. te chuan tluang takin Ni 15 Sep 2023 (Zirtawpni) khan Aizawl an lo thleng leh a ni.

Senhri Folk & Cultural Troupe, Art & Culture Department

Mrs. Carol VLMS Dawngkimi, Director Art & Culture Dept. MIzoram.

Mr. Vikram Metha CEO of Neift, Guwahati and Chief Organiser of North East Festival at Milan , Italy.

Mrs.T. Ajungla Jamir (IFS) Consul General, India at Milan, Italy.