Ni 18 & 19 October, 2023 chhung a neih tur Art & Culture Department leh Pang Cultural Association Gen Hqrs. Vathuampui-te buatsaihin Vathuampui Playground-ah Joint Cultural Meet neih a ni a. Pu Lalchuailova, Deputy Director, Art & Cultural Department chu khualian a ni a, Pu C. Rongura, EM, LAD etc.LADC chuan a hmanpui bawk.

Joint Cultural Meet hi October 18, 2023 zan dar 7:30 pm khan Vathuampui Playground-a Pandal sakah palai lawmna hun hmangin neih tan a ni a, Pu R. Lalzirliana, Chairman, Organising Committee-in a kaihruai a; Pang Cultural Association, Bawm Cultural Association, Bru Cultural Association leh Chakma Cultural Assocation atang te in palai thahnem tak an kal a, heng Cultural Association te atang hian Cultural Troupe tha tak an kal vek bawk a ni.

October 19, 2023 chawhma dar 11:00 AM atangin Vathuampui Playground-ah hian Joint Cultural Meet hi hman chhunzawm a ni a. Pu P.C. Lalbiakkima, President, Pang Cultural Association chuan a kaihruai a. Pu P.K. Zothana, General Secretary, PCA chuan Palai lawmna hun hmangin, Pu Logos Lalnunhlima, Secretary Organising Committe chuan report a pe a ni. Pu C. Rongura, EM, LADC chuan thu a sawi a, Khuallian Pu Lalchuailova, Deputy Director, Art & Culture Department chuan thusawiin, "Hnam nunphung leh hnamzia (Zonunmawi) tlansan zawnga hmasawnna kawng zawh hi thil inhmehlo hulhual a ni reng a, kan sakhua nen inzawm tlat a nihna hi kan chhuangin kan chawi vul zel zawk tur a ni ang. Kan hnam nunzia leh ziarang te hi vawnthat leh chawisan kan tum zel tur a ni. Kan culture leh nunphungte pawh a indawm kang zawng leh tihausa zawnga kal ho dan kan zir chho zual deuh deuh pawh a tha a. Mizorama hnam hrang hrangte culture chu Mizo Kristian Culture lo ni se. Hmasawnna pawh chung Pathian zarah kan neih phah zual zel ka ring tlat a ni", a ti. Pu Herbert Ramengmawia, Fin. Secy,PCA chuan lawmthu sawina hun a hmang a ni.

Zan dar 7:00 PM palai thlahna inkhawm neih leh a ni ang.