Vawiin Oct., 15, 2025 khan Art & Culture Department Annual Working Programme 2025-26 chhunga programme pawimawh tak ‘Museum, Archive Records Exhibition & TRI Book Sale’ chu ni hnih awh turin (15 leh 16 October, 2025) Electric Veng YMA Hall, Khawzawl-ah neih tan a, Pu Vanlalthiana, DC, Khawzawl chu Khuallian a ni.

Hawnna inkhawm hi Pu RK Lalawmpuia, SO, TRI chuan a kaihruai a, Pu Paul Lalringzuala, Superintendent of Archives in Exhibition & Book sale report a pe a, Pu C Lalruatfela, Curator, Mizoram state Museum chuan lawmthusawina hun a hmang a ni. Khuallian Pu Vanlalthiana chuan Mizo Culture zir chian deuh deuh a pawimawh thu a sawi a, lehkhabu tha te chhiar uar zel turin sikul naupang te a chah bawk. Inaugural function ah hian Khawzawl chhunga sawrkar department hrang hrang hotute an tel kim hle.

Exhibition & Book sale ah hian Art & Culture Department hnuaia subordinate office 4 - Tribal Research Institute, Mizoram State Museum, Mizoram State Archives leh Mizoram Publication Board ten an thil neih hlu tak takte phochhuakin lehkhabu hlu tak takte an zuar. Mizoram State Museum-in MuseumObjects chi hrang hrang 90  an phochhuak a, Mizoram state Archives in Mizoram document pawimawh leh hlu taktak an pholang a, Tribal Research Institute leh Mizoram Publication board ten lehkhabu tha leh hlu man tlawm tak tak in an zuar a ni.

He Exhibition & Book Sale-ah hian Khawzawl khaw chhunga sikul hrang hrang 19 te chu District Education Officer, Khawzawl kaltlangin sawm an ni.