Vawiin chawhma dar 11:00 khan Lawngtlai-ah Lai Cultural Centre Cum Auditorium Building chu Pu H. Biakzauva, MLA, Vice Chairman, Agriculture Development Board chuan a hawng.

Lai Cultural Centre Cum Auditorium Building hawnna inkhawm hi Pu R. Hmingthanzuala, Director, Art & Culture Department chuan Chairman niin a kaihruai a. Pu P.C. Lalrindika, Joint Secretary, Art & Culture Dept. te, Pu T. Lalengmuana, MDC, LADC ten thu an sawi a. Pu R.L. Lalremruata, JE, Art & Culture Department chuan Technical Report pe in, Pu K. Lalruala, Deputy Director, Art & Culture Department chuan lawmthu sawina hun a hmang a, khawtlang hruaitu ten thu sawina te nei zuiin Lawngtlai khawpuia zaithiam tak takten zaiin mipui kalkhawm te an awi bawk.

Khuallian Pu H. Biakzauva, MLA chuan thusawiin, "he Hall hi cultural centre a nih angin kan hnam zia rang lang thei tura enkawl zui a tul a. Chutih rualin infiamna hmun pakhat badminton khelh theihna anih avangin thalai ten nun kawng dik an zawh theihna tura hmun pawimawh a ni bawk a ni", a ti.

Lai Cultural Centre cum Auditorium Building hi NEC fund Rs 466.62 lakh dawn atangin kum 2017 khan sak tan a ni a, hripui leng avanga harsatna hrang hrangte  avangin project hi hun tiam chhung a zawh hman a ni ta lo a ni.