Ni 8.7.2019 chawhma dar 11:30 khan Archives Hall, Babutlang-ah Mizoram State Archives a record vawnthat mek te digitization hnathawhna tur hawnna inkhawm neih a ni a. Pu R. Lalzirliana, Hon’ble Art & Culture Minister chu khuallian a ni a, NEDP sum hmanga Mizoram State Archives-a record vawnthat mek te digitization hnathawhna tur hi hawng a. Khuallian chuan Department hmalakna chu tha a tih thu leh digitization hna thawktute chu kan ram leh hnam tana ro hlu tak vawn thatna tur leh awlsam zawka a mamawh tuten an hman theih tura buatsaihtu turte an nih angin rinawm tak leh taima tak a hna thawk turin a chah thu a sawi bawk.