Mizo Writers Association leh Art & Culture Department tangkawpin an buatsaih Lehkhabu Pho Runpui - 2022 chu Vanapa Hall-ah neih mek a ni a. Mipuiin an hlut hle. Lehkhabu pho runpui hi ni 25 - 28 October, 2022 chhung Vanapa Hall-ah neih tur a ni a, mimal 130 vel leh Farms 8 atangin lehkhabu chi hrang hrang 1000 chuang zet pho chhuah a zawrh mek a ni a. Heng lehkhabute pho chhuah tam zawkte hi Mizo kutchhuak leh Mizotawnga ziak te an ni hlawm.

Lehkhabu Pho Runpui neih mekah hian Art & Culture Department hnuaia Tribal Research Institute (TRI) te chuan lehkhabu vang leh hlu (rare books) 50 vel an pho chhuak a; tin, Mizoram Publication Board-te chuan lehkhabu 200 bawr vel an pho chhuak mek bawk a, hralh a kalin mipuiin an hlut hle.